Konstrusaun Ospitál Militár Atu Evita Haruka Pasiénte Ba Halo Tratamentu Iha Rai-Li’ur

PM Xanana Gusmão.

Díli, 02 Jullu 2026 (RAFA.TL)- Primeiru-Ministru (PM), Xanana Gusmão, Kinta (02/07/2026), informa katak Governu Xina apoiu Timor-Leste hodi konstrui Óspital Militár Amizade ba Ministériu Defeza hodi evita haruka pasiénte sira ba halo tratamentu iha rai-li’ur.

“Ha’u informa ba Prezidente Repúblika kona-bá vizita ba Kazan, Portugal ne’ebé dehan mós ba Prezidente katak horisehik iha mós Konsellu-Ministru, ami konkorda ho oferta ida husi Xina atu halo iha Kuartel Jenerál iha Ministériu Defeza nia kotuk ho Ospitál Militar, sira halo tiha mak depois koordena di’ak ho Ministériu Saúde liu-liu atu prepara ita nia doutor sira hodi evita ita haruka bei-beik moras sira ba rai-li’ur (Malázia),” Xanana Gusmão informa  ba Jornalista sira hafoin  enkontru semanál ho Prezidente Repúblika José Ramos-Horta iha Palasiu Prezidnesiál.

Xefe Governu ne’e afirma bainhira Óspital Militar ne’e finaliza ona nia konstrusaun  mak Governu sei prepara  doutor sira hodi bele fó atendimentu iha Óspital Militar.

“Ida-ne’e mós ita buka atu prepara ona ita nia doutor sira, mais buat ne’e la fasil, ne’e duni mak ita sei haré took, tanba bainhira tama iha fulan-Jullu 2023 divida husi VIII Governu haruka ema ba li’ur halo tratamento millaun $38. IX Governu mak selu uituan-uituan ho ida-ne’e mak ami simu komú Xina dehan ida-ne’e Xina mak halo oferese,” tenik Xanana Gusmão.

Recorda fali katak durante ne’e  Governu Xina konstrui no oferese ona edifisiu Ministériu Negosiu Estranjeiru no Koopersaun, Palásiu Prezidente iha Aitarak-laran,  Edifisiu Ministériu Defeza no agora atu konstrui tan Óspital Militar amizade  ba Ministériu Defeza.

Jornalista: Zita Menezes/Editór: Vito Salvadór