Governu Hahú Prepara Planu Prioridade Ba OJE 2027

PM Xanana, Sábadu-ne'e, lidera reuniaun Komité Revizaun Orsamentu Polítika hodi hahú prepara planu no programa iha OJE 2027.

Díli, 04 Jullu 2026 (RAFA.TL)- IX Governu Konstitusionál,  Sábadu (04/07/2026), iha Auditóriu Ministériu Finasas, hahú reuniaun Komité Revizaun Politiká, hodi prepara programa prioridade no orientasaun servisu iha Orsamentu Jerál Jeral Estdu (OJE) 2027.

Primeiru-Ministru (PM) Xanana Gusmão ne’ebé lidera reuniaun ne’e hatete kada tinan  iha fulan-Jullu,  instituisaun hotu órgaun Estadu nian no Governu komesa prepara programa no proposta planu orsamentu atu bele aprezenta, hodi nune’e iha fulan-Agustu, komesa deskute no fulan-Setembru bele aprezenta ba Parlamentu Nasionál hodi hahú halo diskusaun no aprová.

Foin daudaun, Parlamentu Nasionál aprová tiha ona lei foun Orsamentu Jeràl Estadu (OJE) ne’ebé husu liu atu halo transparensia didi’ak no foku tau osan bainhira iha programa.

“Reuniaun ne’e reuniaun komité revizaun politiká,” imeiru-Ministru Kay Rala Xanana Gusmão hateten hodi hatutan tan Governu mós iha ona jornada orsamentál no programa prioridade saida de’it mak Governu sei halo iha tinan 2027.

Xefe Governu husu atu instituisaun Estadu no liña miniatérial sira tau prioridade haré mós ba setór hotu-hotu, inklui mós iha setór apoiu husi doadór sira.

Xanana Gusmão subliña tinan oin mai Timor-Leste sei iha elisaun prezidensiál, elisaun podér lokál ba munisipíu balu, prepara ba ASEAN no CPLP nian no programa sira ne’e mak sei sai prioridade Governu nian iha tinan 2027.

Orsamentu ba 2027 sei determinante mós atu diversifika ekonomia naun petrolífera no promove kreximentu ida ne’ebé inkluzivu liu, ne’ebé apoia mós hosi Polítika kona-bá Ekonomia Azul 2025–2035 no hosi Timor-Leste nia integrasaun tomak iha ASEAN, ho kompromisu nasionál seluk.

Orsamentu Estadu 2027 nian sei orienta ho tema «Reforsa Reziliénsia Liuhusi Transformasaun: Diversifika Ekonomia ba Futuru ne’ebé Sustentável». Ne’e signifika transforma reziliénsia ba investimentu sira iha setór produtivu estratéjikus, iha infraestrutura ho kualidade,iha konetividade ho asesu ba servisu báziku, no iha fortalesimentu kapital umanu nasionál.

Jornalista: Zita Menezes/Editór: Vito Salvadór