CSMJ Konsidera Rekursu Kontisiozu Husi Juíz Majistratura Na’in–Haat Laiha Efeitu

Tribunál Rekursu

Díli, 04 Novembru 2026 (RAFA)— Vise-Prezidente Konsellu Superior Majistratura Judisiál (CSMJ),  Fernando de Carvalho, hateten rekursu kontisiozu ne’ebé hato’o husi  Majistradu Juíz na’in-haat kontra desizaun Konsellu Superior Majistratura laiha efeitu.

Vise-Prezidente Konsellu Superior Majistratura Judisiál, Fernando de Carvalho, bá Jornlista sira iha Tribunál Díli, Kuarta-ne’e katak, rekursu kontensiozu kontra deliberasaun CSMJ kona-bá transferénsia juíz na’in-haat husi Tribunál Judisiál Primeira Instánsia Díli, submete ona bá Tribunál Rekursu atu análize no foti desizaun.

Nia fundamenta mós katak depois juíz sira hato’o reklamasaun, sira kontinua hato’o rekursu kontensiozu administrativu hasoru desizaun CSMJ.

“Reklamasaun sira hato’o, rekursu mós sira hato’o, efeitu laiha, Kuandu  sira hato’o  ona rekursu kontensiozu hasoru desizaun konsellu nian bá Tribunál  Rekursu mós depois Tribunál  maka deside,”  Vise Prezidente CSMJ  Fernando de Carvalho esplika.

Nia hatutan katak, to’o agora CSMJ seidauk simu notifikasaun ruma husi juíz titulár sira kona-bá prosesu rekursu kontensiozu administrativu ne’e.

Antes ne’e, Prezidente Tribunál Rekursu Afonso Carmona mós afirma ona katak, desizaun Konsellu  Superior Majitratura Judisiál ne’e dignu.

Hanesan publikasaun RAFA nian katak, Majitratura Juíz na´in-haat ne’ebé  maka enfrenta transferénsia mak hanesan, António José Fonseca Monteiro de Jesus, Ana Paula Fonseca Monteiro de Jesus, José Gonçalves no Francisca Marques Cabral, dadaun ne’e kaer hela kazu prosesu pendente hamutuk 746 inklui prosesu Kriminál 592.

Jornalista: Marcelino Tomae