Xanana Rekoñese Setór Justisa iha Problema

PM Xanana rekoñese setór justisa iha problema.

Díli, 12 Outubru 2026 (RAFA)-Primeiru-Ministru, Kay Rala Xanana Gusmão, rekoñese setór justisa iha problema, maibé labele halo interferénsia atu hatudu respeita ba kompeténsia ne´ebé órgaun soberanu ida-idak iha tuir lei haruka.

Xefe Governu ba jornalista sira hafoin remata enkontru semanál ho Xefe Estadu José Ramos-Horta iha Palásiu Prezidensiál, Segunda-ne’e, hateten, iha enkontru ne’e ko’alia  asuntu balu, maibé problema boot liu iha Timor ne’e mak setór Justisa.

Primeiru-Ministru Kay Rala Xanana Gusmão hatete buat ida problema boot hanesan justisa imi (jornalista-red) hatene liu. Se problema justisa bele  rezolve iha minutu lima de’it, Timor problema laiha ona bá preokupasaun judisiál ninia.

“Ha’u labele hatama ha’u nia liman iha Tribunál. Ha’u ne’e hatene lerek saida, ha’u nia kursu ne’e sempre han sin (selalu makan asam),” hatete Xanana Gusmão.

Fó hanoin fali katak, iha loron 08 fulan-Outubru, Prezidente Repúblika, José Ramos Horta, afirma katak, sei ko´alia kle’an ho Primeiru Ministru, Kay Rala Xanana Gusmão kona-bá setór judisiáriu, liu-liu kona-bá esforsu atu hametin integridade, imparsiálidade no independénsia poder judisiál iha Timor-Leste.

Jornalista: Cristina Ximenes