Ouvir RAFA Ritmo, Voz e Coração de Timor
Díli 17 Novembru 2026 (RAFA)— Tribunál Judisiál Primeira Instánsia Díli (TJPID), Tersa-ne’e, halo julgamentu ba kazu omesidu ne’ebé hakotu Mário Quintão to’o lakon vida iha loron 14 fulan-Jullu 2025.
Iha audénsia Julgamentu koletivu ne’e juiza Ana Paula Fonseca, permite téknika Tribunál nian atu hatudu video Closed-Circuit Television (CCTV), maibé iha fallansu téknika Tribunál la konsege loke video refere.
Ministériu Públiku liu-husi Prokuradór titulár Pedro Batista hato’o pedidu rekerimentu bá Tribunál hodi komunika ho empreza hodi foti empreza nia Hard Disk hodi haree evidénsia bá kazu omesidu ne’e.
Parte Defeza liu-husi Advogadu privadu Ismael Asunção mós konkorda ho rekerementu Ministériu Públiku nian.
Tanba Tribunál koletivu halo reuniaun marka fali ajenda juglamentu bá iha loron 24 fulan-Novembru, tinan ne’e, hodi hosoru fali empreza ne’e, loke fali CCTV.
Tuir konólojia kazu ne’e akontese bainhira mosu dezentendimentu iha zona Dolok Oan no Bidau Masau, ne’ebé hamosu agresaun fízika mútua entre vítima Mário no arguida GMV, tanba ne’e kontaktu nia maun-alin sira hodi husu atu intervein sira nia problema ne’e.
Tuir akuzasaun Ministériu Públiku katak iha loron 14 fulan-Jullu 2025, entre tuku 20:00 to’o 00:00 kalan, arguidu sira ho motór buka vítima iha Díli laran. Sira duni no halo vítima monu husi motór iha postu abastesimentu kombustível iha Kuluhun nia oin.
Tuirmai, arguidu sira kaer vítima no lori kedas ba nia rezidénsia iha Bee-kussi bainhira to’o uma, arguidu sira foti sasán todan, baku vítima iha parte ulun no kakorok.
Tanba hare vítima nia kondisaun grave tebes, arguidu sira lori ba ospitál, maibé aprezenta argumentu bosok katak kanek sira-ne’e mosu tanba asidente tránzitu.
Ministériu konsidera ida-ne’e tentativa atu halakon prova, tanba arguida GMV mós estraga vítima nia telemóvel. Relatóriu autópsia konklui katak mateiban hetan kanek todan iha ulun no kakorok.
Husi faktu sira ne’e, Ministériu Públiku akuza argudu sira nu’udar ko-autor material ba krime omisídiu, ne’ebé previstu iha artigu 138, númeru-01 Kódigu Penál Timor-Leste.
Julgmamentu ne’e Prezide husi Juíz Koletivu Ana Paula Fonseca, José Maria de Araújo Jumiati Jumiaty Maria Freitas, Ministériu Públiku Reprezenta husi Prokuradór Prdro Batista, Argudiu sira hatan asistensia legál husi Adovogadu Privadu Ismael Asunção.
Jornalista: Marcelino Tomae
Written by: RafaFM
Tribunál Julga Kazu Omesidu Ne’ebé Hakotu Mario Quitão Nia Vida Iha Kuluhun
todayNovember 20, 2026 4 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt