Ouvir RAFA Ritmo, Voz e Coração de Timor
Díli, 20 Novembru 2026 (RAFA)– Tribunál Judisiál Primeira Instánsia Díli (TJPID), Sesta-ne’e, deside aplika medida Aprezenta Periódika (AP) bá arguidu na’in-haat iha kazu komersiu ilísitiu ne’ebé evolve líder balu nian oan ho membru FALINTIL Forsa Defeza Timor-Leste (F-FDTL).
Tribunál mós deside fó Liberdade sidadaun Malázia ida tanba konsidera detensaun ba arguidu ne’e illegal ka la priénse Fraglante delito.
Prokuradór Rogerio Viegas Vicente, ne’ebé reprezenta Ministériu Públiku akuza arguidu sira Krime kontra bandu, tanba alegadamente hatama sigru ilegál ho marka Marlboro hamutuk karton 149.
Iha Audénsia Julgamentu dahuluk iha Kinta foin lalais ne’e, Tribunál liu-husi Juíza Luisinha da Silva Cardoso Machado halo indentifikasaun bá arguidu no mós komfirma, ida-idak, balu hili direitu ko’alia no balu hili direitu nonok.
Prokuradór Rogerio Viegas Vicente solisita ba Tribunál aplika atu aplika aprezentasaun periódidika kada semana bá arguidu na’in haat iha Diresaun Servisu Investigasaun Kriminál (DSIC).
Parte Defeza liu-husi Advogadu Privadu Arlindo Dias Sanches ho Eusébio Xavier Victor husu tribunál atu aplika tuir konviksaun Tribunáli nian. Ho nune’e,
Juíza Luisinha da Silva Cardoso Machado liuhusi nia letura despaixu bá krime kontra bandu konsidera faktu Ministériu Públiku provadu, nune’e deside aplika Aprezentasaun Periódika semana ida dala ida bá arguidu na’in haat,
Nune’e mós Tribunál liberta arguidu sidadaun Malázia husi krime Kontra bandu, tanba konsidera deteinsaun autoridade seguransa ne’e legál ka
Fó hanoin fali Tersa-ne’e, Polísia Nasionál Timor-Leste liu-husi Diresaun Servisu Investigasaun Kriminál (DSIK) haree no konfirma sigaru ilegál ho Marka Marlboro hamutuk karton 149 ne’ebé ekipa konjunta halo apreensaun iha área Kristu Rei, Díli, ne´ebé alegamente líder balu nia oan, hamutuk ho membru FALINTIL-Forsa Defeza Timor-Leste (F-FDTL) na’in-ida hatama illegalmente.
Autpridade sira halo apreensaun ba sasán ilísitu sira-ne’e tanba la priense rekizitu rejime kontrolu tabaku Dekretu-Lei 14/2016. Estimasaun folin totál produtu US$48.574, no kada karton kona US$326. Taxa ne’ebé Estadu lakon US$63.732,76.
Jornalista: Marcelino Tomae
Written by: RafaFM
Tribunál Aplika Aprezentasaun Periódika ba Arguidu Sira Komete Kazu Komérsiu Ilísitu
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt