Justisa no Krime

JU,S Sujere Família Palomita Gusmão Buka Apoiu Juridikú husi Instituisaun Relevante Haforsa Justisa iha Julgamentu

todayNovember 20, 2026 37

Background
share close

Díli, 20 Novembru 2026 (RAFA)-Diretora Juridikú Sosiál JU,S,  Bárbara Nazareth Oliveira,  rekomenda atu família matebian Palomita Gusmão bele buka apoiu juridikú husi instituisaun oin-oin no organizasaun oin-oin hodi bele apoiu família sira iha prosesu julgamentu iha tribunál.

JU’S rekomenda ba família husi matebian Palomita Gusmão atu hetan asisténsia husi advogadu se-se de’it, tanba lei fó oportunidade ne’e sei ajuda atu garante vitima sira iha prosesu julgamentu, tanba advogadu husi vitima sai kolaboladór husi Ministériu Públiku (MP).

“Ami nia esperiénsia bainhira vitima iha advogadu, dalabarak justisa forte liu husi prespetiva vitima. Ami rekomenda família husi vitima matebian Palomita Gusmão Guterres no mós família husi kualkér vitima liuliu vitima bazeia ba jeñeru, atu buka apoiu juridikú bele husi instituisaun, bele husi defénsoria públika gratuita, bele husi advogadu privadu bele husi hanesan JU,S, bele husi AFELA no organizasaun balu ne’ebé prontu atu fó apoiu juridikú ba ida-ne’e,” hatete Bárbara Nazareth Oliveira ba RAFA iha nia knaar fatin Farol, Sesta-ne’e.

Diretora JU,S ne’e espliká ko’alia kona-bá teknologia femenisidu, ko’alia kona-bá oho feto tanba sosiédade ne’ebé lori diskriminasaun hasoru feto sira no feto mak sempre sai vitima ba violénsia domestiká ne’ebé akontese iha familia no sosiedade nia leet.

Nia afirma informasaun ne’ebé mai husi investigasaun konsidera kazu ne’e nu’udár krime omisidu agravadu nomós ho mate ne’ebé kruél tanba mate ho sasan kroat.

Nia konsidera kazu Palomita Gusmão Guterres nia mate ne’e kompostu husi  kazu rua mak iha laran ida mak  armas brankas tanba suspeitu uza instrumentu kroat  no ida mak krime omesidu agravadu,  mezmu rezultadu fó sai suspeitu kondena ho krime omesidu agravadu de’it.

JU,S mós  husu auoridade seguransa sira presiza halo  investigasaun kle’an  molok akontese trajedia ne’ebé halakon vitima Palomita Gusmão,  karik iha ona  violénsia seluk ba vitima hanesan violénsia psikolojia, koasaun, violénsia fiziká bele mós iha violénsia sexual aspetu ida-ne’e importante atu investiga hodi asegura katak saida loloos mak akontese antes vitima hakotu iis iha arguidu JRC nia liman.

Nia esplika Timor-Leste  eziste duni lei krime ida ne’ebé hanaran omisaun deosidu artigu 227, ne’ebé koa’lia kona-bá ema sira ne’ebé haré ka asiste hela situasaun ida ne’ebé ema seluk hasoru iha ameasa nia laran  maibé la fó apoiu, tanba sosiédade mak  seidauk iha koñesimentu kona-bá lei ne’e rasik no  no seidauk iha pratiká judisiál kona-bá krimé omisaun deosidu iha sosiédade nia leet.

Tuir nia katak  iha lei ne’e esplika bele investiga ema sira ne’ebé asiste ne’e maibé sei laiha akuzasaun tanba elementus husi lei ne’e mak la autoriza.

Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!