Tribunál Aplika Prizaun Preventiva Ba Indonéziu Ida Ne’ebé Suspeita Ba Kazu Droga ho Tipu Sabu-Sabu ho Ekstasi

Sidadaun Indonézia ida sai arguidu ba kazu droga iha Timor-Leste.

Díli, 14 Setembru 2026 (RAFA)- Tribunál Judisiál Primeira Instánsia Díli (TJPID), liu husi despaisu ikus ba prosesu primeiru interogatóriu, deside aplika medida koasaun Prizaun Preventiva ba Arguidu sidadaun Indonézia ida ne’ebé suspeita lori droga ho tipu  Sabu-sabu  no Ekstasi  tama Timor-Leste hamutuk grama 98,0162.

Iha Segunda-ne’e, haleu tuku 09:00 Otl, Polísia Sientífiku Ivestigasaun Kriminál akompaña arguidu refere bá Tribunál Judisiál Primeira Instánsia Díli hodi submeter ba primeira interogatóriu judisiál tuir prosesu  ne’ebé ho NUC: 0407/26-PCCIC kona-bá trafiku bá droga.

Durante audénsia Julgamentu Primeiru Interogátoriu, Juíz Argentino Luísa Nunes halo indentifikasaun   bá arguidu no mós konfirma katak  autos ne’ebé Minitériu Públiku akuza.

Arguidu  konfesa parsial bá Tribunál  kona-bá faktu ne’ebé Ministériu Públiku imputa bá nia,  no konsidera faktu sira ne’ebé Minitériu Públiku kontempla iha autos loos hotu.

Ministériu Públiku, reprezenta husi Prokuradór Matias Soares, akuza arguidu ho krime tráfiku ilísitu droga, ne’ebé regula iha Lei Númeru 2/2017, loron 25 Dezembru, kona-bá Kombate Tráfiku no Konsumu Ilísitu Droga.

Bainhira tama  alegasaun, Prokuradór Matias Soares  husu  Tribunál atu aplika medida koasaun  Prizaun Preventiva  ba arguidu bazeia kuantidade droga ne’ebé   autoridade sira halo apreensaun, hamutuk 98,0162 grama no kompostu husi tipu droga rua;  Sabu-sabu (Metamfetamina) ho pezu líkidu grama-93,9367, no no ekstasi (MDMA)    grama-4,0795.

Prova  seluk droga sira ne’e,  sirkula iha merkadu, iha folin estimadu e husi  US$250 to’o US$350 kada grama.Ho estimasaun folin refere, totál droga ne’ebé  iha  bele iha valor merkadu entre US$24.504 no US$34.306, depende bá folin kada grama.

Defensór Públiku Juvinal Yanes Freitas, ne’ebé reprezenta arguidu, husu ba tribunál  atu labele prizaun preventiva,  tanba arguidu la nega  faktu sira hotu-hotu ne’ebé Ministériu Públiku akuza. Tanba ne’e, Defeza Juvinal Yanes Freitas solisita bá Tribunál aplika medida koasaun aprezentasaun periódidika kada  semana, dala-ida.

Rona tiha  alegasaun husi Ministériu Públiku ho Defensór Públiku,  Tribunál liuhusi  Juíz Argentino Luisa Nunes konsidera katak  kazu ne’e iha indísiu bá krime prátika ilísitiu droga,

Jornalista: Marcelino Tomae