Tribunál Aplika Prizaun Preventiva Ba Arguidu Na’in-Rua Ba Kazu Omisídiu Ne’ebé Halakon Constâncio Saldanha Bere Nia Vida

Tribunál hatun despaixu hodi aplika medida koasaun prizaun preventiva ba arguidu na’in-rua ho naran insiál ASP ho JPX ne'ebé deskonfia envolvei iha kazu omisídiu hodi rezulta Constâncio Saldanha Bere lakon vida.

Díli, 01 Juñu 2026 (RAFA.TL)- Tribunál Judisiál Primeira Instánsia Díli (TJPID), Segunda  (01/06/2026) hatun despaixu hodi  aplika medida koasaun prizaun preventiva ba arguidu na’in-rua ho naran insiál ASP ho JPX ne’ebé envolve iha kazu omisídiu ne’ebé  rezulta Constâncio Saldanha Bere lakon vida.

Notísia Relevante: Asaun Oho Constâncio Saldanha Bere iha Kuluhun Planeadu 

Iha despaixu Tribunál nian ne’e aplika mós medida aprezentasaun periodika ba arguidu CSP, no arguidu sei halo aprezentasaun semana ida dala ida ba iha eskuadra Polísia neébé arguidu hela besik ba.

Hafoin despaixu husi Tribuál, defeza arguidu sira nian, Advogadu Privadu Americo Martins, deklara nia parte sei halo rekursu tanba la konkorda ho desizaun ne´ebé iha.

Nia haktuir despaxu tribunál nian ba nia asistidu na’in-tolu;  na’in-ida hetan Aprezentasaun Periodika, rua hetan prizaun preventiva, tuir promosaun Ministeriu Públiku nian ba faktu ne’e sira laiha koñesementu  tanba sira-na’in-tolu nega no lahatene buat id aba krime ne’ebé MP importa ho krime tentative ho suisilo armas brankas.

“Bazeia ba deklarasaun ne’ebe mak sira fó perante ba tribunál, nu’udar defesa sei halo rekursu hasoru despaixu tribunál nian, tanba nia klienta sira nega la involve iha kazu omisídu hamate Constâncio Saldanha Bere,” Advogadu Privadu Americo Martins haktuir ba jornalista sira iha Tribunal Judisiál Primeira Instansia Díli.

Advogadu ne’e haktuir durante prosesu interogatóriu dahuluk, arguidu sira deklara katak, sira la iha koñesimentu saida mak akontese ba matebian Constâncio Saldanha Bere, iha Aldeia Toko Baru Saraf, Suku Kuluhun, Díli, Sesta madrugada (22/05/2026).

Defeza esplika, kona-bá vitíma nia mate ne’e, arguidu sira laiha koñesimentu no kona-bá kazu disputa rai ne’e arguidu sira konfesa katak, antes ne’e iha duni problema.

Arguidu na’in-tolu ne’ebé autoridade seguransa aprezenta iha julgamentu interogatóriu dahuluk iha TJPID ne’e  ho naran inisiál, ASP, JPX ho CSP. Sira-nia kazu rejista ho NUC. 0174.26/DIBCR ne’ebé Ministériu Públiku reprezenta husi Prokuradór Pedro Baptista promove ho krime rua ba arguidu na’in-tolu, maka hanesan krime omisidiu simples ne’ebé previstu iha artigu 138 husi Kodigu Penál Timor-Leste no krime arma branka iha lei númeru 5/2017.

Julgamentu  interogatóriu dahuluk ne’e prezide husi Juiza  Jumiati Freitas, Ministeriu Públiku reprezenta husi Prokuradór Pedro Baptista no arguidu sira hetan asisténsia legál husi advogadu privadu, Americo Martins.

Jornalista: João Carlos/Editór: Vito Salvadór