play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Justisa no Krime

Tribunál Aplika Médida Tolu no Kausaun US$3,500 Ba Arguidu Sira Kazu Scam Call Centre Santa Kruz ho Bebonuk

todayAugust 15, 2026 60

Background
share close

Arguidu kazu scam call centre Bebonuk ho Santa Kruz partisipa audénsia interogatóriu dahuluk iha TJPID, Sábadu 15 Agostu 2026.

Díli, 15 Agostu 2026 (RAFA)– Tribunál Judisiál Primeira Instánsia Díli (TJPID), Sábadu-ne’e, deside no aplika medida tolu, inklui kausaun US$3,500 ba arguidu na’in-lima ne’ebé envolve iha  atividade ilísitu scam call centre iha Santa Kruz ho Bebonuk.

Juís prosesu Marculino dos Santos Oliveira, aplika médida tulu ne’e ba arguidu sira, mak  hanesan prebuisaun aujénsia,  hodi bandu  arguidu  sira sai husi territóriu Timor-Leste, aprezenta periódidika semana ida dala-rua iha Tribunál no kausaun bá arguidu na’in-lima ho prazu  loron-10 ho valór US$3,500.

Iha kontinuasaun audénsia julgamentu primeira interogatóriu, Prokuradór Domingos Goveia ne’ebé reprezenta Ministériu Públiku, halo promosaun ba arguidu na’in-lima ho krime haat (4), mak hanesan esplorasaun jogu ilísitu, burla informátika, assosiasaun kriminoza no krime brankeamentu kapitál.

Prokuradór Domingos Goveia solisita bá Tribunál  aplika prizaun preventiva ba arguidu na’in-lima (5) ne’ebé envolve iha atividade scam call centre iha Santa Kruz ho Bebonuk no karik Tribunál nia intendimentu oin seluk bele aplika medida kausaun US$5,000 ba kada arguidu, prebuisaun aujénsia no aprezentasaun periódidika, kada semana dala-rua iha Tribunál.

Defeza liuhosi Advogadu Privadu Ismael  A. Lopes  ho Agustino Lopes, intende katak arguidu na’in-lima (5)  ne’e foin tama mai Timor-Leste iha loron 09 fulan-Jullu  2026, no balun iha loron 08 fulan-Agostu 2026 tanba ne’e solita tribunál atu aplika medida kausaun nia kliente na’in-lima  ho  valór kausaun  US$2,500 tuir kbiit arguidu sira nian.

Juís Marculino dos Santos Oliveira intende katak médida tolu hanesan kausaun US$3,500, prebuisaun aujénsia no aprezentasaun periódidika.

Defeza  ne’ebé fasilita asisténsia legál ba arguidu sira, advogadu privadu Ismael A. Lopes ho Agustiho Lopes, sei halo reklamasaun médida kausaun US$3,500 tanba konsidera valór orsamentu kausaun ne’e boot liu.

Jornalista: Marcelino Tomae

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!