Tribunál Aplika Medida Proibisaun Aujénsia no Kausaun $3,000.00 Ba Arguidu Sira Kazu Scam Call Centre iha Metiaut

Arguidu sira ba kazu scam call centre ne'ebé Polísia kaptura iha área Metiaut, foin lalais ne'e.

Díli, 12 Jullu 2026 (RAFA.TL) – Tribunál Judisiál Primeira Instánsia Díli (TJPID), Doming-ne’e, muda no hatun despaixu ba arguidu na’in-28 ne’ebé envolve iha kazu online scam call centre iha Metiaut ho medida proibuisaun aujénsia ho médida kausaun  $3,000.00 ba kada arguidu.

Iha Sabádu-horiseik, Tribunál aplika medida koasaun sira ne’ebé kompostu husi proibisaun aujénsia, aprezentasaun periódika no kausaun ho montante $2,000.00 ba kada arguidu. Maibé, iha Domingu-ne’e, Juís prosesu José Maria komunika bá advogadu sira katak despaixu refere muda tiha, nune’e  hasai medida aprezentasaun periódika, mantein prebuisaun aujénsia no montante kausaun husi $2,000.00 ba US$ 3,000.00 bá kada arguidu.

Iha audénsia juglamentu primeira interrogatóriu ne’e, Ministériu Públiku (MP) reprezenta husi Prokuradór Rafael Gusmão, solisita bá  juiz turnu José Maria, atu aplika proibisaun aujénsia, no médida kautelár kausaun (cautelar de caução)  kada arguidu aplika n$2,500.00.

Iha  Kinta,  09 fulan-Jullu  tinan 2026, Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK) desmantela atividade ilísitu scam call centre iha Metiaut, Díli.

Husi operasaun buska no apreensaun ne’e, PNTL halo kapturasaun ba sidadaun estranjeiru ho nasionalidade Xina na’in-20 no deskonfia na’in-19 halai sai tiha bainhira haré ekipa konjunta PNTL to’o iha lokál operasaun.

Jornalista: João Carlos/Editór: Vito Salvadór