Tribunál Aplika Kausaun 4000.00 USD Bá Arguidu Na’in-Neen Ne’ebe Suspeita Involve Kazu Scam Call Centre

Argiudu na'in-neen ne'ebé suspeita envole iha atividade ilísitu scam call centre iha Otél Diamond Villa iha Praia dos Coqueiros, Díli.

Díli,  07 Setembru 2026 (RAFA)–Tribunál Judisiál Primeira Instánsia Díli (TJPID), Segunda-ne’e, aplika medida kausaun 4000.00 USD  ho Proibuisaun Auzénsia arguidu na’in-neen  ne’ebé suspeita  envolve iha grupu rede atividade ilísitu Scam Call Centre iha Otél Diamond Villa iha Praia dos Coqueiros, Díli.

Desizaun Juíza prosesu Jumiaty Maria Freitas, hatun liu husi despaisu  bá arguidu sira ne’ebe autoridade seguransa  halo detensaun iha Kinta-kalan 03  fulan-Setembru ne’e,

Iha apreensaun no detensaun ne’e, parte autoridade konjunta sira rekolla mós evidénsia hanesan komputadór hitu, laptop besik-10, telefone-10 resin, router-tolu no Starlink-tolu, inklui kartaun sim husi operadór telekomunikasaun telemor ho kuantidade barak (kuaze atus-ida-resin)

Iha julgamentu Juíza  Jumiaty Maria Freitas mós halo letura faktu sira  husi krime  haat ne’ebé Ministériu Públiku imputa   iha autos   iha relasaun  ba krime esplorasaun jogu ilísitiu, asosiasaun kriminoza, burla informátika, esplorasaun  tanba  utiliza   ekipamentu teknolojia,  aparellu sira hanesan Starlink, Laptop,  komputer, telemovel , no operador Telekomunkasaun hodi habosok ema.

Tribunal komfirma autos ne’ebé kontempla iha  akuzasaun Minsteriu Públiku nian, arguidu  sira utiliza  iha komputer komputer desktop all-in-one, Apple Inc,  uzu  sitius oioin no   aplikasaun hanesan Wchat, WatcsApp, ne’ebé deskomfia bá atividade ilegál Scam Call Centre

Durante  Julgamentu Arguidu  ida nega faktu ne’ebé Minitériu Públiku arolla iha autos investigasaun nian, katak faktu ne’e la loloos.

Arguidu ne’e  deklara bá Tribunál katak nia servisu iha armajen ida iha Oé-Cuse, maibé  foin dadauk muda mai  tiha Otél Diamond Villa  hodi loke massage.

Ministériu Públiku ne’ebé reprezenta Prokuradór Rafael Gusmão  kondena arguidu na’in-neen (6)  envolve iha grupu rede Scam Call Centre  ho krime haat (4)  mak hanensan Asosiasaun Kriminoza, burla informátika, esplorasaun jogu ilísitiu no brankeamentu kapitál.

Advogadu Privadu Otavio Cardoso ho Ismael  Asoncinção Lopez, Eusébio Xavier Victor, ne’ebé  fó asisténsia  legál  bá arguidu na’in-neen solisita ba   Tribunál hodi aplika medida kausaun 3000.00 USD no Proibuisaun Aujénsia.

Razaun Advogadu sira husu tribunál atu aplika medida   kausaun  ho proibuisaun Aujénsia bá kliente sira ne’e tanba arguidu sira mai ho vistu traballu,  liu tinan ida ona,  atu nune’e  fó espasu bá Ministériu Públiku hodi kontinua prosesu Investigasaun.

Rona tiha alegasaun husi Ministériu Públiku no advogadu Privadu sira inklui  deklarasaun Arguidu balun, Juíza Jumiaty Maria Freitas hatun despaisu hodi aplika medida kausaun bá   kada arguidu 4000.00 USD fó prazu loron-10, no mós Proibuisaun Aujénsia.

Tribunál mós sita arguidu sira nia Pasaporte, hodi labele sai husi territóriu Timor, tanba prosesu investigasaun seidauk  konklui.

Jornalista: Marcelino Tomae