Ramos-Horta Sei Hola Desizaun Anúnsia Nia Rekanditura iha Novembru

Prezidente Repúblika, José Ramos-Horta.

Díli, 07 Setembru 2026 (RAFA)-Prezidente Repúblika, José Ramos-Horta sei hola desizaun atu anúnsia nia rekandidara ba Prezidente Repúblika ba períodu 2027-2032 iha fulan-Novembru tinan 2026.

Xefe Estadu hato’o kestaun ne’e hodi responde jornalista hafoin seremónia despedida ba Ró Doulos Hope iha Portu Dîli, Segunda-ne’e.

“Ha’u la hatete atu deklara an, ha’u sei halo desizaun atu anúnsia kandidatu ka la’e  iha fulan-Novembru karik,” José Ramos-Horta hateten.

Nia esplika, kona-bá kalendáriu eleisaun ne’e tenke tarde liu segunda semana no eleisaun bele iha fulan-Marsu 2027.

“Ha’u hanoin konforme kalendariu, tenke tarde liu segunda semana fulan-Marsu 2027, labele tarde liu. Maibé, bele antes semana ida, semana rua antes maibé tarde liu mak ha’u hatete segunda semana Marsu,” Prezidente Repúblika konklui.

Prezidente Repúblika, José Ramos Horta hahú nia mandatu hanesan Prezidente Repúblika iha 20 Maiu 2022-2027, mas molok n ne’e nia assume ona pasta nu’udar Xefe Estadu ba períodu ida 2007-2012.

Konstituisaun Timor-Leste, iha artigu 75, estabelese katak Prezidente Repúblika bele renova nia mandatu dala ida de’it.

Figura oioin maka aprezenta ona sira nia kandidara ba Prezidente Repúblika períodu 2027-2032, mak hanesan Francisco Dionísio Fernandes “Maukura”, eis-xefe negósiu iha embaixada Timor-Leste nian iha Índia, Joaquim Fonseca “Russo”, eis-sekretáriu-jerál RENETIL nian, Rui Maria de Araújo, eis-primeiru-ministru, no Armanda Santos Berta, eis-vise-primeiru-ministru.

 Jornalista: Cristina Ximenes/Helio dos Santos