Juíz Sira Ne’ebé Kualifikadu ho Valor Boot Sei Lidera STJ ho TR

Kompozisaun membru komisaun juri rekrutamentu juíz ba STJ ho TR.

Díli, 23 Outubru 2026 (RAFA)- Komisaun Rekrutamentu juíz ba Supremu Tribunál Justisa (STJ) ho Tribunál Rekursu (TR), deklara  katak juíz sira ne´ebé iha kualifikasaun di’ak liu ho valor boot mak merese atu lidéra STJ no TR.

Dadadaun ne’e, kandidatu hamutuk na’in-21 sei tama entevista profisionál  hodi buka na’in-neen bá lidera Supremu Tribunál Justisa,  no na’in-15 lidera Tribunál Rekursu.

Membru Komisaun Rektrutamentu, Komisária Carmelita Caetano Moniz hatete ho númeru sira ne’ebé pasa iha dokumentál, eskrita  atu tama bá faze entrevista profisionál  vantajen  boot  ba Estadu Timor-Leste tanba ema bele haree katak juíz sira barak ne’ebé pelumenus iha ona kapasidade  atu bele harii ona Tribunál Segunda Instánsia no terseiru instánsia no  Supremu Ttibunál Justisa.

“Se sira pasa hotu ne’e oinsá?  husi primeira faze ne’e valór ida, segunda faze ne’e iha valór ida, terseira faze ne’e iha valór ida, ikus liu valór tolu ne’e mak sei soma hotu hodi hetan valór minímu ne’ebé  bele elijivél, valór minímu maka 10 ona tolu ne’e hamutuk valór minimu tanba ne’e ema dehan sufisiénte,”  Carmelita Caetano Moniz esplika, Sesta-ne’e, liu husi konferénsia imprensa.

Husi valór sira ne’e, juri sira maka sei fahe  no tau  kolum tuir juíz sira ne’ebé maka atu sai peimeiru kualifikadu,  segundu  kualifikadu, terseiru kualifikadu, kuartu kualifikadu, kintu to’o hotu,kualifikadu ne’e maka valór di’ak liu, no sufisiénte.

Haree husi  valór depois konsellu sira maka sei deside haree, tanba  sira iha maneira oioin  atu haree  atu deside, maibé  tenke  haree hotu étika profisionál, atitude babain, no karater, tanba sai juíz ne’e tenke iha atidude rezervada.

Iha fatin hanesan membru Komisaun Rekrutamentu José Pedro Camões hatete, se majistradu sira hirak ne’e pasa hotu iha faze entrevista hanesan númeru ida foin dadauk,  numeru barak iha Supremu Tribunál  Justisa, no Tribunál Rekursu ida-ne’e maka  Estadu Timor hakarak.

“Sira  pasa iha faze primeiru sira iha posiblidade bá enrevista, valór dolumentál sira pasa tiha ona, pur eskrita sira pasa tiha ona,  entrevista juri sei valór ida   tolu ne’e ita sei soma hamutuk, dokumentál, valór Eskrita  no valór Entrevista  juri sei fó valór ida,” nia  dehan.

Nia hatutan, komisaun nia devér no responsabilidade, atu haree jere konkursu, hein rezultadu bá faze enfrevista profionál, sei maka hetan valór di’ak, kabe estadu liu-liu Prezident Repúblika  no Parlamentu Nasionál hili ema ne’ebé  kualifikadu atu rerezenta lidera tribunál nian.

Tuir Lei organizasaun Judisiariu bainhira konkuli ona teste, juri  sei apersia ho valór  minúmu-neen, tanba iha faze entrevista avalia husi, kapasidade komunikasaun no agrumentasaun no kapasidade atu  konvense kona-bá  fundamentasaun. Tanba ne’e juri maka sei  rekomenda bá kandidatu ne’ebé iha valór di’ak hodi bele lidera TR ho STJ.

Jornalista Marcelino Tomae/ Juvinál Cabral dos Santos