PR Kondekora Sidadaun Nasionál no Internasionál Hamutuk 60 iha Ámbitu Restaurasaun Independénsia Ba Dala-XXIV

Díli, 19 Maiu 2026 (RAFA.tl)- Prezidente Repúblika (PR), José Ramos-Horta, atribui Orden Timor Leste ba erói joven sira, defensór públiku, sidadaun nasionál no internasionál hamutuk ema na’in-60 iha ámbitu komemorasaun aniversáriu restaurasaun independénsia Timor-Leste ba dala-XXIV (20 Maiu 2002-2026).

Kondekorasaun ba sidadaun nasionál no internasionál sira ne’ebé hala’o iha Palásiu Prezidensial,  Tersa (19/05/2026), hodi rekoñese sira-nia kontribuisaun estraordináriu ba luta libertasaun nasaun nian, konsolidasaun estadu direitu no dezenvolvimentu nasionál.

Tuir Dekretu Prezidente Repúblika Nº.54/2026, Prezidente Ramos-Horta kondekora Kolár Orden Timor-Leste no Sertifikadu Rekoñesimentu ba João da Silva “Choque” no Abilio Mesquita “Dalas”, nu’udár rekoñesimentu ba sira-nia korajen, kompromisu, no espíritu rezisténsia nu’udár líder juventude durante luta libertasaun nasionál, sai nu’udár pilár fundamentál ba alkansa Timor-Leste nia independénsia.

Povu Timor-Leste hetan benefísiu husi sakrifísiu no esforsu sira ne’ebé jerasaun ida-ne’e halo durante tinan sira rezisténsia nian, no ohin loron, balun kontinua kontribui ho ativu ba dezenvolvimentu nasionál. Sira nia kontribuisaun ba Pátria merese rekoñesimentu no valorizasaun husi Estadu.

Tuir Dekretu Prezidente Repúblika Nú. 55 /2026, Prezidente Ramos-Horta kondekora Orden Timor-Leste nian iha kategoria Kolár, Medalla, no Insígnia, inklui Medalla Méritu no Medalla Solidariedade ba sidadaun nasionál no internasionál ba sira-nia kontribuisaun ba dezenvolvimentu nasionál.

Kondekoradu sira mak:

I. Kolár Orden Timor-Leste:

1. Kusni Sulang
2. Carlos Alberto Martinho de Jesus
3. Adão Soares Barbosa

II. Kolár Orden Timor-Leste (Póstumu):

• Saudozu Prof. Dr. Lucas da Costa “Rama Metan’’

III. Medalla Orden de Timor-Leste:

1. Brigadeiru Reformadu Neville John Reilly
2. Senior Inspector Reformado Ray Leslie Sutton
3. Salustiano dos Reis Piedade
4. Estanislau de Sousa Saldanha
5. Manuel Florencio de Canossa Vong
6. Carla Alexandra de Jesus da Costa
7. Joao Muni
8. Alvaro Menezes Amaral
9. Aderita Mariana Takeleb Dos Santos
10. Teresa Freitas Belo
11. Belandia da Costa Graciana
12. Domingos Maria B. Barreto
13. Edio da Costa
14. Nazario Gomes
15. Francisco Cosme de Sousa Gama
16. Natalino Fonseca Da Silva Guterres
17. Helio Brites da Silva
18. Rudy Yanto / Rudy Yanto Kwan
19. José Januário dos Reis Costa
20. Edio Saldanha Borges
21. Luis Bernardo Gamboa
22. Francisca Maia Gonçalves

IV. Insígnia Orden Timor-Leste:

1. Kristina Ruth Webb
2. Nandy Gurr
3. Simon Benedict Fenby
4. Fiona Jane Hamilton
5. Chen Lisong
6. José M.S. Turquel de Jesus

V. Medalla Méritu:

1. Jude Comway
2. Vaughan Williams
3. Stuart Highway
4. Francisca Gonçalves

VI. Medalla Solidariedade:

1. Darren Boyd-Skinner
2. Dominic Zappavigna
3. Connor Bruce
4. Wayne Bruce
5. Matthew Carpenter
6. Mark Dalton
7. Julie Horgan
8. Julie Mitchell
9. Daniel Wall
10. Renee Wilson
11. Christopher Yow

Kondekorasaun hirak-ne’e rekoñese sira-nia servisu inkansável hodi favorese povu Timor-Leste iha setór oi-oin husi dezenvolvimentu nasionál, tantu iha Timor-Leste no mós iha nível internasionál.

Tuir Dekretu Prezidente Repúblika Nú.56/2026, kondekorasaun ho Orden Timor-Leste no Sertifikadu Rekoñesimentu atribui ba Defensór Públiku sira ne’ebé hala’o funsaun ba povu Timor-Leste nia di’ak durante dezenvolvimentu nasionál.

Kondekoradu sira maka:

I. Kolár Orden Timor-Leste:

1. Sérgio de Jesus Fernandes da Costa Hornai
2. Câncio Xavier
3. Olga Barreto Nunes
4. Manuel Sarmento
5. Márcia Maria Filipe Sarmento
6. Sebastião Amado Nheu Ribeiro de Almeida
7. Fernando Lopes de Carvalho

II. Medalla da Orden de Timor-Leste:

1. Marçal Mascarenhas
2. Sergio Paulo Dias Quintas
3. Laura Valente Lay

III. Medalla da Orden de Timor-Leste (Póstumu):

• Saudozu Dr. Rui Manuel Guterres

Kondekorasaun hirak-ne’e rekoñese sira-nia kompromisu, dedikasaun, no sentidu misaun ne’ebé aas nu’udár Defensór Públiku, hodi garante asesu ba justisa ba ema vulnerável sira no hametin Estadu Direitu Demokrátiku.

Prezidente Repúblika José Ramos-Horta, iha nia diskursu hatete, iha aniversáriu Rrstaurasaun ba Independénsia ba dala 24, fó onra ba hirak ne’ebé sira-nia dedikasaun sai hanesan fundamental iha povu-nia viajen, husi joven rezisténsia sira ne’ebé arriska buat hotu ba Timór-Leste nia libertasaun, to’o defensór públiku sira ne’ebé garante justisa to’o ba sira ne’ebé kiak liu iha ita-nia leet no ba ita-nia sidadaun nasionál no internasionál ne’ebé hamrík hamutuk ho ita, iha ita-nia momentu susar no kontinua la’o hamutuk ho ita to’o ohin loron.

“Imi mak pilár moris husi ita-nia nasaun. Imi-nia korajen no servisu koletiva hodi hametin ita-nia demokrasia, haburas dame, no harí baze futuru ida-ne’ebé dignu ho sakrifísiu barak ne’ebé sira halo ona,” José Ramos-Horta hateten.

Xefe Estadu hatutan, Kondekorasaun sira ne’ebé atribui iha okaziaun Aniversáriu Restaurasaun Independénsia Timor-Leste nian ba dala 24 rekoñese la’ós de’it eroízmu pasadu maibé mós kompromisu kontínuu ba dezenvolvimentu Timor-Leste nian.

Ramos-Horta subliña, kondekoradu sira nia kontribuisaun iha setór justisa, sosiedade sivíl, kooperasaun internasionál, no solidariedade fó benefísiu diretamente ba sidadaun Timor-oan sira enkuantu fortalese instituisaun demokrátiku nasaun nian. Sira-nia ezemplu sai hanesan inspirasaun ida ne’ebé dura bainhira Timor-Leste kontinua harí futuru ida ne’ebé justu, prósperu no soberanu.

 Jornalista: Elio da Costa/ Editór: Vito Salvadór