Governu Sei Kria Sistema Dijitalizasaun Dadus Ba Setór Privadu Hodi Promové Transparánsia Finanseiru

Ministra Finansa Santina José Rodrigues F. Viegas Cardoso. Imajen/Dok.Espesiál

Díli, 17  Agostu  2026 (RAFA)-  Ministra Finansa (MF), Santina José Rodrigues F. Viegas Cardoso hatete, agora daudaun Governu liuhosi Ministériu Finansa hahú kria sistema dijitalizasaun ba setór privadu sira liuhosi aprovisionamentu atu promové transparánsia finanseiru.

Ministra Finansa (MF) Santina José Rodrigues F. Viegas Cardoso ba jornalista sira  Segunda-ne’e iha Auditóriu Ministériu Finansa, Díli, kofnirma katak parte ida husi dekreta lei aprovisionamentu kontratasaun, públika ejizi Governu atu iha bazé dadus kona-bá fornese data baze kona-bá empreza hotu-hotu ne’ebé mak presta servisu ba Governu.

Nia hateten Ministériu Finansa mós halo alterasaun ajustamentu ba sistema atu dezenvolve katak Governu hakarak prosesu aprovisionamentu tomak bele rejistu iha sistema nia laran.

“Sistema dijitalizasaun ne’e ha’u hanoin pakote ida ne’ebé mak Ministériu Finansa iha normalmente halo melloramentu ba sistema. Ne’e parte ida husi Ministériu Finansa normalmente halo observasaun oinsá bele hadi’a diak liután intermu infromasaun finanseiru nian iha sistema dijitalizasaun, ita hakarak promove liután  transparánsia, akuntabilidade  no fasilita liután ema hotu-hotu atu bele uza sistema ida ne’ebé mak iha pagraun di’ak liután,”  hatete Ministra Finansa Santina José Rodrigues F. Viegas Cardoso.

Ministériu Finansa  iha faze armoniza dokumentu tenderizasaun sira ne’e komesa uza etapa balu ne’ebé mak sei halo hela tranzisaun nian, depois hotu ne’e bele lansa iha antes  tinan ida-ne’e.

Governante ne’e espliká katak implementasaun sistema dijitalizasaun  ne’e presiza formasaun husi Governu, aprovisionamentu no setór privadu mós tenke hetan formasaun oinsá sira asesu ba dokumentu tenderizasaun no oinsá submete sira nia proposta konkursu no mekanizmu avaliasaun no formasaun ba setór privadu sira dalaruma  sei hala’o iha fulan-Setembru 2026.

Jornalista : Zita Menezes