PNTL Kaptura Suspeitu Na’in-haat Sona Joven Ida iha Bedois

PNTL detein suspeitu na'in-haat ne'ebé sona vitíma joven ida iha área Bedois, Díli, Kinta 15 Outubru 2026.

Díli, 15 Outubru 2026 (RAFA)- Xefe Investigasaun Polísia Nasionál Timor-Leste (PNTL) Munisípiu Díli, Superintendente Asistente Polísia Rogério dos Reis, Kinta-ne’e, informa, PNTL Munisípiu Díli kaptura no detein ona suspeitu na’in-haat ne’ebé envolve iha kazu sona kanek joven ida iha área Bedois, Díli.

“Ami konsege identifika no lori suspeitu na’in-hitu mai iha Polísia Eskadra Becora hodi submete ba prosesu identifikasaun. Hafoin halo identifikasaun, suspeitu na’in-haat mak identifika envolve iha fatin akontesimentu. Agora dadaun, sira submete hela ba prosesu detensaun durante oras 72, atu prepara dokumentu sira no rejistu kazu ba Ministériu Públiku hodi prosesa tuir lei,” Superintendente Asistente Polísia Rogério dos Reis informa.

Superintendente Asistente Polísia ne´e esplika, akontesimentu ne’e hahú bainhira grupu jovén sira provoka malu liuhosi liafuan no sadik malu atu tuku-malu Maibé, situasaun ne’e sai grave bainhira sira hahú tuda malu, to’o jovén ida hetan sona ho tudik.

Vítima sofre kanek grave iha parte kotuk isin nian no trnasporta ona ba Ospitál Nasionál Guido Valadares (HNGV) hodi hetan tratamentu intensivu, inklui operasaun atu hasai tudik ne’ebé sona  metin hela iha nia isin.

Jornalista: João Carlos