MP Husu Tribunál Aplika Prizaun Preventiva Ba Arguidu Na’in-16 Ba Kazu Scam Call Centre iha Otél California

Autoridade lori arguidu sira ba partisipa primeira interogatóriu iha TJPID, Sábadu 29 Agostu 2026.

Díli, 29  Agostu 2026 (RAFA)– Audénsia julgamentu primeira interogatóriu ba arguido na’in-16 ne’ebé suspeita ba atividade ilísitu scam call centre iha Otél California, Sábadu-ne’e, Tribunál Judisiál Primeira Instánsia Díli (TJPID), Prokuradór João Marques reprezenta Ministériu Públiku huus ba Tribunál atu aplika medida Prizaun Preventiva bá arguidu sira.

Arguidu sira ne’e Polísia Nasionál Timor-Leste (PNTL), liu-husi Diresaun Servisu Investigasaun Kriminál (DSIK), submete ba TJPID atu hala’o Audiénsia Julgamentu Primeiru Interogátoriu, ne’ebé hahú iha tuku 14:00 OTL.

Tuir prosedimentu tribunál, molok audiénsia Julgamentu Prirmeiru Interogátoriu hahú, Juíza Ercília de Jesus konfirma uluk identidade arguidu sira, tuir dadus ne’ebé kontempla iha autos no dokumentu akuzasaun husi Ministériu Públiku ninian.

Durante  audiénsia Primeira Interogatóriu ne’e Prokuradór João Marques, kondena arguidu sira  krime  burla informátika, asosiasaun kriminoza, brankeamentu kapitál no  jogu ilísitiu. Tanba ne’e, iha alegasaun Prokuradór João Marques solita bá Tribunál hodi aplika Prizaun Preventiva bá arguidu sira tanba  iha  indísiu forte bá iha atividade jogu ilísitiu scam call centre.

Advogadu privadu  sira ne’ebé fó asistensia legál bá arguidu na’in-16, husu tribunál aplika medida kausaun tuir intendimentu tribunál, ho prebuisaun aujénsia.

Rona tiha alegasaun husi Ministériu Públiku ho advogadu sira, Tribunál liu-husi Juiza Ercília de Jesus, deside  fali primeira interogatóriu ne’e ba  Domingu, 30 Agostu-ne’e,  hale’u tuku 14:00 OTL.

Jornalista: Marcelino Tomae/Mario Fili