Ministériu Públiku Delega Objetu Kazu Scam Call Centre Ba PCIC Halo Ezaminasaun

Logotipu PCIC

Díli, 14 Agostu 2026 (RAFA) – Ministériu Públiku (MP) delega ona  objetu aprendidu sira husi kazu Scam Call Centre  bá Polísia Sientífiku Ivestigasaun Kriminál (PCIC- sigla portugés) hodi halo ezaminasaun no kontinua investigasaun.

Protavoz PCIC, Mario Tavares bá jornalista sira iha edifísiu PCIC,  Sesta-ne’e, konfirma katak PCIC  simu ona delegasaun kompeténsia husi Minitériu Públiku iha prosesu balun, inklui kazu scam call centre sira ne’e.

“Ha’u sei la temi prosesu hirak maka delega, maibé  ita-boot sira dehan delegasaun, ne’e iha kompeténsia, no bazea bá delegasaun kompetensia, PCIC  halo ezaminasaun bá kazu sira ne’ebé  kona-bá scam call centre,” Mario Tavares hateten.

Nia hatutan, rezultadu ezaminasaun bá kazu scam call centre, sei iha faze  ne’ebé vinkulla ho segredu justisa, rezultadu ne’e sei aprezenta fali bá Ministériu Públiku.

Delegasaun ne’e  normalmente iha prazu loron 30 , iha loron 60   no balun to’o loron  90,  iha prazu  hirak ne’e nia laran mak  autoridade polisiál sira kontinua halo investigasaun.

“Bainhira prazu ne’e hotu, prosesu investigasaun seidauk hotu, ita bele  husu tan prazu bá Ministériu Públiku,” nia dehan.

PCIC simu keixa jerál hahú Janeiru to’o Agostu tinan ne’e, 400-resin, husi krime burla agravada, jogu  ilísitu scam call centre nian no mós krime omesidu.

Jornalista: Marcelino Tomae