Noticias

Lere Preparadu Kandidata-An Ba PR iha 2027 Maibé Hein Ramos-Horta Dekreta Loron Eleisaun

todayNovember 21, 2026 8

Background
share close

Díli, 21 Novembru 2026 (RAFA) – Tenente-Jenerál (Reformadu), Lere Anan Timur (LAT), konfirma prontu ona atu kandidatu an ba Prezidente Repúblika períodu 2027-2032, maibé sei hein  Prezidente Repúblika José Ramos-Horta dekreta loron eleisaun hafoin sei anunsia ofisialmente ba públiku.

“Ha’u iha interesse kandidatu ba Prezidente 2027-2032, tanba Prezidente seidauk dekreta loron eleisaun nian há’u sei hein, mais ha’u komesa la’o husi rai-ulun to’o rai-ikun, rai-klaran to’o Oe-cusse, ha’u la’o Ataúro mak seidauk karik, mais kuaze há’u la’o hotu. Há’u iha interesse duni agora depende konfiansa ne’ebé povu fó ba ha’u atu bele lidera nasaun ida-ne’e, atu muda situasaun balun ne’ebé ha’u nia maluk sira ne’ebé ukun seidauk kompleta la’ós atu mai halo buat foun,” Tenente-Jeneral (Reformadu) Lere Anan Timur ba jornalista sira iha Institutu Superior Dom Bosco, Comoro, Sábadu-ne’e.

Lere Anan Timur kompromete, bainhira kandidatu ba Prezidente Repúblika no povu fó fiar, nia sei servisu hamutuk ho Governu, labele sai opozisaun ba Governu.

Maske nune’e líder rezisténsia ne’e hatete kontinua hein Prezidente Repúblika Dekreta-Lei eleisaun prezidensiál, mak ofisialmente fó sai nia kandidatura ba públiku.

“Depende Prezidente dekreta iha Janeiru seim duvida há’u deklara, há’u nia kandidatu,” Lere Anan Timur subliña.

Jornalista: Juvinal Cabral dos Santos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!