Laiha Indísiu Forte, Tribunál Aplika TIR Ba Arguidu Na’in-Ualu Kazu Scam Call Centre Vila-Verde

Tribunál aplika TIR ba arguidu na'in-ualu kazu scam call centre Vila-Verde tanba laiha indisiu forte.

Díli, 15 Agostu 2026 (RAFA)—Tribunál Judisiál Primeira Instánsia Díli (TJPI) aplika medida koasaun Termu Identidade Rezidénsia (TIR) ba arguidu na’in-ualu ba kazu scam call centre iha Vila-Verde tanba laiha indísiu forte.

Liuhosi kontinuasaun audénsia jugalmentu primeira interogatóriu, Sábadu-ne’e, Juis  prosesu Marculino dos Santos Oliveira, konsidera prova sira ne’ebé Ministériu Públiku aprezenta  laiha indísiu ba krime burla informátika, asosiasaun kriminoza, ho esplorasaun jogu ilísitiu.

Ministériu Públika ne’ebé  reprezenta husi  Prokuradór Domingos Goveia  promove  krime tolu bá arguidu na’in-ualu , explorasaun jogu ilísitu, burla informátika  no mós asosiasaun kriminoza. Ho nune’e, Prokuradór Domingos Goveia   solita  Tribunál hodi aplika,  médida kausaun US$4,000 ba kada argiuidu,  aprezentasaun períodika no proibusaun aujénsia bá arguidu sira .

Advogadu privadu Eusebio  Xavier Victor ho Advogada Elizabet Rosa da Costa, husu Tribunál atu aplika medida  kausaun bá kada arguidu US$2,000 to’o US$2,250.

Rona tiha  alegasaun husi  Ministériu Públiku no defeza, Juíz Marculino dos Santos Oliveira,  aplika medida koasaun  TIR tanba konsidera  laiha prova ka indísiu sufisiente bá krime tolu ne’ebé Minitériu públiku imputa.

Tribunál mós konfirma autos ne’ebé Minitériu Públiku aprezenta, la hatudu  indísiu bá krime burla informátika, asosiasaun kriminoza, ho Eeportasaun jogu ilísitu.

Tribunál mósiIntende katak  aplika TIR ba arguidu na’in-ualu ne’e, fila fali  bá sira nafatin, sei la halo atividade jogu Ilísitiu, tanba konsidera uza de’it telemovel, aparelu STARLINK  rua ho Ruter rua, objetu seluk laiha.

Jornalista: Marcelino Tomae