JSMP Nota To’o Agora Ministériu Públiku Seidauk Produs Akuzasaun Ba Kazu Scam Call Centre

atividade meja redonda ho topiku ““Hametin Jornalizmu Akurradu Asesu Faktu no seguru”, ne’ebé organiza husi Asosiasaun Jornalista Timor Lorosa’e (AJTL) iha salaun Fokupers, Sesta 25 Setembru 2026.

Díli, 26 Setembru 2026 (RAFA)- Programa Monitórizasaun Sistema Judisiál (JSMP, sigla Inglés) aprezenta sira-nia preokupasaun no bnota katak  prosesu kazu atividade ilísitu scam call centre  to’o agora Ministériu Públiku seidauk prodús akuzasaun.

JSMP nia motinotizaun no avaliasaun hatudu katak dezde kedas  kazu buska, apreensaun no detensaun ba suspeitu sira kazu scam call centre iha Otél Oé-Upu, Rejiaun Administrativu Espesiál Oé-cusse-Ambenu (RAEOA) to’o mia transmite iha Díli laran ba Liquiça,  nia prosesu justisa seidauk prodús akuzasaun.

Diretóra Ezekutiva JSMP, Ana Paula Marçal bianhira   sai oradór bá atividade meja redonda ho topiku ““Hametin Jornalizmu Akurradu Asesu  Faktu no seguru”, ne’ebé organiza husi Asosiasaun Jornalista Timor Lorosa’e (AJTL)  iha salaun Fokupers, Sesta-ne’e,  fó observasaun katak  supeitu sira ne’ebé autoridade Polisiál halo detensaun  maioria sai vítma bá tráfiku umanu, tanba  dezde hahú husi Oé-Cusse kazu scam call centre seidauk prosede bá julgamentu babain.

Diretóra Ezekutiva JSMP, Ana Paula Marçal haktuir, durante ne’e tribunál hala’o   de’it juglamemtu primeiru integoratóriu, medida koasaun, kausaun no prizaun Preventiva ne’e.

“Ita lakohi medida prizaun preventiva, ne’e kleur fó han gratis depois fó prezuiju bá ita nia Estadu. Lakuna sira ne’e, maka ita lakohi akontese, tanba ita hakarak lalais, tanba kazu scam call centre ne’ebé hahú  iha Oé-cusse ne’e to’o agora Ministériu Públiku seidauk proús akuzasaun, satán foin dadauk scam sira ne’ebé foin kaer iha Díli , ha’u  la fiar ida-ne’e atu prodús  akuzasaun lalais,” Ana Paula Marçal kestiona.

Nia afirma, nasaun seluk  bele konsidera Estadu Timor-Leste susesu  deskobre atividade ilísitu scam call centre, maibé  susesu kapturasaun no detensaun sidadaun  estrajeiru sira ne’e, iha  lacuna, iha responsabilidade sira maka seidauk kaptura.

Tuir JSMP tanba prosesu investigasaun kazu scam call centre sira ne’e kleur, lori tempu naruk, nune’e arguidu sira ne’ebé prizaun preventive, fó prezuizu bá Estadu, sira ne’ebé aplika medida kausaun ho proibisaun aujénsia halai lakon hotu.

Iha fatin hanesan, Komandante Komandu Operasaun Polísia Nasionál Timor-Leste (PNTL), Komisáriu Asistente Polísia Armando Monteiro hatete,  durante ne’e  PNTL halo operasaun, seidauk deteta sidadaun Timoroan sira sai vítima iha atividade scam call centre.

Komisáriu Asistente Polísia Armando Monteiro hateten supeitu no argudiu sira kazu scam scam call centre, ne’ebé autoriade judisíal sira aplika kausaun hatama ona reseita US$406.500,00 bá iha konfre Estadu.

“Tanba ne’e ita dehan iha ema halimar husi kotuk, maibé na’ok ten ida-ne’ebé maka bele hatudu aan katak ha’u maka na’ok, loos duni dala ruma ita alin jornalista sira husu ita dehan de’it sei iha faze invetigasaun,” Armando Monteiro hateten.

Komisáriu Asistente  Polísia ne’e fundamenta, durante  PNTL nia operasaun atividade scam call centre, supeitu sira nia dokumentu sira ne’e, ajénsia sira mak kaer, no ajénsia ida-ne’e mós hola parte iha atividade refere.

Jornalista: Marcelino Tomae