Kazu Scam Call Centre Vila-Verde, MP Solisita Ba Tribunál Aplika Médida Tolu ho Kausaun US$4,000 Kada Arguidu

Arguidu na'in-ualu ne'ebé envolve iha atividade scam cal centre iha Vila-Verde.

Díli, 14 Agostu 2026 (RAFA)— Audénsia julgamentu interogatóriu dahuluk  iha Tribunál Judisiál Primeira Instánsia Díli (TJPD), Sesta-ne’e,   Ministériu Públiku solisita ba Tribunál atu aplika médida aprezentasaun periódidika no prebuisaun aujénsia bá  inklui selu kausaun ho montante US$4,000 ba kada arguidu na’in-ualu (8) ne’ebé envolve iha atividade ilísitu scam call centre iha Vila-Verde.

Tuir regra Tribunál iha audénsia julgamenutu primeiru interogátoriu, Tribunál halo indentifikasaun ba arguidu sira, hodi konfirma   sira-nia indentidade no nasionalidade ne’ebé autoridade seguransa sira kontempla iha autos.

Juiz prosesu Marculino dos Santos Oliveira, fó tempu bá arguidu sira hodi hato’o depoimentu ka deklarasaun ruma bá Tribunál, maibé arguidu hili direitu nonook. Nune’e, iha alegasaun Prokuradór Domingos Goveia ne’ebé reprezenta Ministériu Públiku (MP) akuza arguidu na’in-ualu ho nasionalidade Xina ne’e  ho krime  tolu; explorasaun jogu ilísitiu previstu iha artigu 322, burla informátika  previstu iha artigu 268, no mós asosiasaun kriminoza previstu iha Artigu 188.

Tanba  ne’e,   Ministériu Públiku  solista  ba Tribunál atu aplika medida kausaun US$4,000, aprezentasaun periódidika no mós prebuisaun aujénsia.

Advogadu privadu Eusebio  Xavier Victor ho Elizabet Rosa da Costa, ne’ebé fasilita asisténsia legal ba arguidu sira  husu Tribunál atu aplika medida kausaun ba kada arguidu US$2,000.

Rona tiha  alegasaun husi  Ministériu Públiku no defeza, Juíz Marculino dos Santos Oliveira deside hodi hatuun despaixu ikus iha Sabádu aban, 15 Agostu 2026, hale’u tuku:14:00 Otl.

Advogada Elizabet Rosa da Silva bá jornalista iha TJPID hateten, sira  intende  buska  ne’ebé autoridade siguransa halo  hasoru  nia kliente  ilegál  no  la tuir forma  ida ne’ebé  hakerek iha Kódigu Prosesuál.

Elizabet Rosa da Silva hateten Polísia tama iha tuku tolu madrugada hodi kaptura nia kliente sira  laho  mandadu Tribunál, nune’e  husu Tribunál atu apresia ba kestaun sira ne’e hodi halo libertasaun emidiata.

“Se Tribunál  iha intendimentu seluk, bele aplika médida kausaun ba arguidu sira  ho osan  US$2,000 to’o US$2,500,” Elizabet Rosa da Silva hateten.

 Jornalista: Marcelino Tomae