Kazu Ró Ilegál, Tribunál Aplika Kausaun 5000.00 USD ho Proibisaun Aujénsia Ba Arguidu Na’in-lima

Arguidu na'in-lima ba kazu ró ilegál partisipa juglamentu interogatóriu iha TJPID, Kinta 10 Setembru 2026.

Díli, 10  Setembru 2026 (RAFA)–  Tribunál Judisiál Primeira Instánsia Díli (TJPID), Kinta-ne’e, liu-husi Audénsia Julgamentu Prirmeiru Interogátoriu, aplika medida kausaun 5000,00 USD ho Proibisaun Aujénsia bá arguidu na’in-lima ne’ebé suspeita ba kazu utiliza ró ilegál tama iha  teritóriu Timor-Leste.

Arguidu na’in-lima ne’e  Autoridade Seguransa detein Iha loron 07  fulan-Setembru  ne’e, hale’u tuku 23:00 Otl,  banhira  Polísia Nasionál Timor-Leste (PNTL) liu-husi Unidade Polísia Maritima simu informasaun husi  komunidade sira iha área Hera no Metinaro nian hala’o movimentu illegal

Hafoin  detein arguidu  no suspeitu  na’in lima refere iha Hera, UPM kordena kedas ho Diresaun Servisu Investigasaun Kriminál (DSIK), hatama iha sela deteinsaun.

Evidénsia sira ne’ebé autoridade halo apreensaun iha operasaun ne’e mak Ró unidade ida, Karreta marka X-Trail ho númeru matrikula B.28.765-TL, router unidade ida, aparelu starlink ne’ebé instala iha ró laran ida, inklui sasán seluk ne’ebé sidadaun estranjeiru tau iha ró laran hodi utiliza ba atividade.

Banhira  tama iha Audénsia Julgamentu Prirmeiru Interogátoriu, Juíza prosesu Francisca Cabral bolu arguidu ida-idak hodi konfirma sira-nia identidade naran moris-fatin loron-moris, nasionalidade no  pasaporte.

Durante audénsia primeiru interogatóriu ne’e, Ministériu Públiku  liu-husi Prokuradór Domingos Goveia Leite, halo akuzasaun formál hasoru arguidu sira ho forma krime Tranzasaun Ilísitiu  ka Merkadu Ilísitiu ho Asosiasaun Kriminoza, ne’ebé previstu iha Kódigu Prosesu Penál Timor-Leste.

Akuzasaun  Minitériu públiku nian ne’e, bazeia ba indísiu no prova sira ne’ebé hatudu katak arguidu sira komete duni atividade ekonómika ilegál,  tanba utiliza ró refere laiha dokumentu legál  inklui  starlink ho karreta no telemovel ho objetu seluk  instala iha ró laran n  Arguidu no laiha passaporte orijinál maibé uza de’it Pasaporte foto kopia.

Tanba  ne’e iha alegasaun  Prokuradór Domingos Goveia Leite husu Tribunál  atu aplika  Prizaun Preventiva ho médida kausaun bá arguidu na’in-lima kada arguidu 5000.00 USD ho Proibisaun Aujénsia

Advogadu privadu Ezaquiel Amaral ne’ebé fó asistensia legál bá arguidu sira, husu  Tribunál atu aplika medida kausaun 3000.00 USD,  bá kada arguidu no Prebuisaun Aujénsia

Rona tiha alegasaun husi Ministériu Públiku ho Advogadu Privadu, Juiza Francisca  Cabral  pronunsia arguidu sira priénse krime transasaun Ilísitiu, ho Asosiasaun Kriminoza. Tanba ne’e Juíza Francisca Cabral  hatuun despaisu aplika medida kausaun  kada  arguidu 5000.00 USD ho prazu  loron 10 hatama bá Tribunál  ka Minitériu Públiku, nune’e mós aplika Proibisaun Aujénsia.

Jornalista: Marcelino Tomae