Kakaína Grama 980,5 Ne’ebé Prende iha 2025, Lori Ba Teste iha Laboratóriu POLRI

Díli, 02 Outubru 2026 (RAFA)- Polísia Sientífiku Investigasaun Kriminál (PCIC, sigla portugés), lori droga ho tipu kokaína grama 980,5 ba halo teste iha laboraróriu Polísia Repúblika Indonézia (POLRI) iha Jakarta.

Droga tipu kokaína ne’e importa husi Fransa mai Timor-Leste liu husi aeroportu Internasionál Prezidente Nicolau Lobato, ho data rejistu iha Dokumentu Administrativu Úniku  (DAU) iha  loron 21 fulan- Agostu tinan 2025.

Portavós ofisiál PCIC, Investigadór Xefe Mario Francisco Tavares, Sesta-ne,e iha Díli, informa ba jornalista sira katak, autór prinsipal sidadaun Timoroan,  dadaun ne’e, iha faze investigasaun, ezame komplimentar sei halo  iha Jakarta, iha altura ne’ebá PCIC mós halo  buska ba  arguidu nia rezidénsia konfirma katak sasán sira autór prinsipal nian.

“Teste bá droga ne’e iha fatin barak, maibé kazu  ida agora dadaun ita ko’alia ne’e, ha’u la sala  halo iha  iha Jakarta  bazeia bá akordu ne’ebé PCIC estabelese ho  PORLI, tanba  iha MoU ne’e katak sira prontu atu fó asisténsia atu ita halo teste droga iha laboratóriu  Forensik Indonézia,”  Mario Francisco Tavares informa.

Hafoin hala’o apreensaun, autoridade sira kontinua halo vijilánsia no investigasaun atu identifika na’in ba droga refere. Investigasaun ne’e inklui buka ema ne’ebé simu ka simu ona kuadru ne’e, no halo verifikasaun ba númeru telefone ne’ebé iha relasaun ho kazu ne’e.

Xefe Investigadór PCIC ne’e esplika,  númeru telefone ne’e uluk utiliza husi ema ida, maibé agora la utiliza ona, tanba informasaun husi operadór, númeru telefone kontratu refere la uza ona durante tempu naruk no depois fa’an fali ba ema seluk.

Nia klarifika katak ema refere la’ós detensaun, maibé bolu de’it atu fó informasaun no hala’o prosesu identifikasaun durante oras 12, tanba iha relasaun ho númeru telefone husi operadór telekomunikasaun telemor.

Maske nune’e to’o agora PCIC seidauk simu keixa husi vítima kona-bá autór prinsipal ne’ebé suspeita iha relasaun ho droga tipu kokaína ho grama 980,5 ne’ebé alegadamente hatama mai husi Fransa.

Tuir iha relatóriu Autoridade Aduaneira, Diresaun Nasionál Operasaun, Departametu Alfándega Aeroportu Internasionál Prezidente Nicolau Lobato, katak droga tipu kokaína ne’e orijen husi Fransa ho númeru tracking 391202546897 ho nia rute: Fransa-  Singapura -Denpasar-Bali -Díli.

Dokumentu: Air waybill, Tracking number 391202546897, preforma invoice, DAU ho numeru C. 1921 kanal mean, data rejisuo DAU, loron  21 fulan-Agostu  tinan 2025.

Merkaduria refere data tracking loron 21 fulan Jullu tinan 2025, data submete DAU mai ekipa kargu loron 25 fulan-Agostu tinan 2025.

Relatóriu husi  Autoridade Aduaneira, Diresaun Nasionál Operasaun, Departametu Alfándega Aeroportu Internasionál Preizdente Nicolau Lobato revela mós matéria droga ho tipu kokáina ne’e esportador husi FUJIGANG, 13 RUE DE LA GARE FONTENAY-SOUS-BOIS, 9494120 FR-FRANCE no nia destináriu/Consignee ba Timoroan ida ho inisiál SdCA, hela fatin Fatuhada, Postu Administrativu  Dom. Aleixo, Díli, no TIN 3959358, Expedisi FEDEX, Deklarante Everise Warehousing and Transport, Finansiál  ho indeitade inisiál DO  ho  SAdC.

Kronolojia

Haktuir husi Relatóriu   Autoridade Aduaneira, Diresaun Nasionál Operasaun, Departametu Alfándega Aeroportu Internasionál Preizdente Nicolau Lobato,  katak iha Segunda, 25 fulan-Agostu  tinan 2025,  hale’u tuku 10:09 Otl, ekipa kargu AA Aeroportu Internasionál Prezidente Nicolau Lobato halo scan ba merkaduria refere, rezultadu husi scan hatudu figura balu ne’ebé presiza halo inspesaun fiziku mais de tallu.

Iha prosesu inspesaun fizika ekipa hetan pasta mamuk ba laptop nian   rua, maibé  laptop laiha laran, ekipa hato’o kedas informasaun ba Xefe Departamentu atu mai haré objetu ne’ebé deskonfia iha risku boot.

Momentu ne’e kedas ekipa Kargu ho Xefe Departamentu foti desizaun hodi kua “pakote” ne’ebé falun pasta leptop mamuk rua refere no  nia rejultadu hetan poo  (bubuk) kristal balun iha pakote ne’e nia laran.

Ekipa kargu ho Xefe Departamentu   Autoridade Aduaneira (AA) halo kedas teste dala-rua, uza “NICK TEST”  no hetan rezultadu pozitivu kokaína.

Momentu halo inspesaun ba merkadoria refere,  Staff Agensia Fedex mak reprejenta hanesan nain hodi hambrik iha  Ekipa Kargu nia oin hodi loke merkadoria no halo teste ba merkadoria.

Hafoin  teste hetan ona rejultadu pozitivu kokaína, Xefe Departamentu  AA Aeroportu passa kedas informasaun ba  Komisáriu AA no mós  Diretór Nasional de Operasaun AA.

Komisáriu AA halo koordenasaun ho PCIC  iha tuku 12:00 pm, ekipa PCIC to’o iha edifísiu kargu AA Aeroportu Internasionál Prezidente Nicolau Lobato (AIPNL) hodi halo koordenasaun entre Komisáriu AA, Diretór Nasional Operasaun (DNO), Diretór Jestaun ba  Risku, Xefe departamentu AA Aeroportu Internasionál Prezidente Nicolau Lobato (AIPNL), Xefe Anti Fraude no PCIC.

Ekipa AA, Agencia FEDEX hamutuk ho PCIC hodi merkaduria refere ba edificiu PCIC. Iha tuku 13:02 Otl,  ekipa AA ho PCIC molok atu halao teste ba merkaduria refere, premeiru sei tetu hodi hatene nia todan ingeral ho nia rezultadu;

-Todan kaixa   1 =   483,0 grama kakaína

-Todan kaixa No. 2 =  497,5 grama kokaína

-Total kaixa rua ne`e hetan  980,5 grama kokaína

Advertisement

Depois halo teste no tetu hotu merkaduria refere halo termu  entrega ba PCIC.

Jornalista: Marcelino Tomae