Governu Hahú Halo Preparasaun Hasoru El-Niño iha Timor-Leste

Workshop hodi halo preparasuan ba enfrenta fenomena El-Niño iha Timor-Leste.

Díli, 09 Outubru 2026 (RAFA)- Governu liu husi Sekretáriu Estadu Protesaun Sivíl (SEPS), hahú halo preparasaun hasoru  El-Niño iha Timor-Leste.

Liu husi workshop nasionál  ho objetivu atu halo sosializasaun no sensibilizasaun ba komunidade sira kona-bá impaktu husi El-Niño iha sosiedade, Sesta-ne’e, iha Otèl Timor, Sekretáriu Estadu Protesaun Sivíl, Domingos Mariano Reis, hateten Timor-Leste hahú halo preparasaun no asaun hasoru situasaun El-Niño ne’ebé sei akontese.

Sekretáriu Estadu ne’e espliká  bainhira eventu El-Niño mosu sei hamosu mós intensidade riskú ba iha ema, animál  no ai-horis sira no sei kontribui mós moras barak mós  ba ema sira, tanba ne’e presiza mós prepara rekursu  umanu barak hodi halo prevensaun bainhira Timor-Leste hasoru situasaun El-Niño.

Fatin hanesan Ministru Interiór Francisco da Costa Guterres hatete instituisaun  sira ne’ebé partisipa iha workshop ne’e bele prepara aan hasoru situsaun El-Niño iha futuru.

“Ita la’ós ona  ko’alia de’it, maibé hahú ona ho asaun, agora daudaun ita prepara ho asaun para kunadu dezastre ne’e mosu ita responde kedas lalais para minimiza nia impaktu ba ita nia komunidade,” dehan Ministru Interiór Francisco da Costa Guterres

Governante ne´e afirma Ministériu relevante tenke servisu hamutuk hodi konserva bee no ai-han sira, hodi hasoru situasaun  El-Niño.

Jornalista: Zita Menezes