JSMP Kosidera Tribunál Rekursu Laiha Efetividade

Tribunál Rekursu

Díli, 09 Outubru 2026 (RAFA)- Programa Monitorizasaun  Sistema Justisa (JSMP-sigla ingles) konsidera Tribunál Rekursu laiha efetividade servisu tanba Konsellu Superior Majistratura Judisiál (CSMJ-sigla portugés), dezde fulan-Setembru too  Outubru-ne’e, seidauk  konvoka reuniaun konsellu ninian hodi deside pedidu kuaze 10-resin iha gabibente Prezidente Tribunál Rekursu, Afonso Carmona nia meza.

Koordenadora JSMP bá asuntu Monitorizasaun Tribunál, Flora Menezes hateten, bainhira  preokupasaun públiku  kona-bá sistema judisiáriu  kontinua aumeta kolapsu ruma, Konsellu Superior Majislatura Judisiál mak órgaun ne’ebé iha  responsablidade bá iha jestaun disiplina  Majistradu Judisiál sira nian,  no kosidera mós  preokupasaun sosiedade sira ho seriedade.

Nia esplika, CSMJ nu’udar órgaun konstitusionál ne’ebé  nia baze mai husi Konstitusaun, nia papél prinsipál atu jere,  promove no fiskaliza disiplinár, majistratura sira nian.

“Medida ne’ebé maka Konsellu Superior Majistratura Judisiál foti, bá  preokupasaun ne’ebé la’o hela, tenke iha razaun jurídiku ino bele foti medida ruma, se pedidu barak mak  pendente iha Tribunál Rekursu, ida-ne’e sei fó impaktu bá prosesu rekursu sira,”  hatete Kordenadora JSMP Flora Menezes ba Jornalista sira iha nia knaar fatin, iha Díli, Sesta-ne´e.

Nia fundamenta, atu  garantia  setór justisa  ninia  independénsia, responsabilidade  tenke tuir koridór lei sira, maibé bainhira  Konsellu Superior Majistratura  la funsiona ho efetivu, sei hamosu preokupasaun bá kredibilidade setór justisa Ninian.

Maske nune’e  tuir nia katak,   alaegasaun oi-oin kona-bá kazu sira ne’e akontese  tribunál rekursu  liu-liu iha konsellu superior Majistratura judisiál la signifika katak alegasaun hotu-hotu ne’e provadu ona.

Nia hateten, importante  atu  Konsellu Superior Majistratura Judisiál hatudu  seriedade iha desizaun  ruma ne’ebé delibera husi konsellu sira, l bele hamosu dúvida  iha sosiedade nia leet.

Jornalista: Marcelino Tomae