Ekipa Juri Konklui Ona Prova Kulturál Ba Kadete PNTL Na’in-11.000-Resin

Prezidente ho membru juri rekrutamentu kadete PNTL. Imajen/dok

Díli, 22 Outubru 2026 (RAFA)- Prezidente Júri rekrutamentu ajente Polísia Nasionál Timor-Leste (PNTL), Komisáriu Asistente Polísia José Soares hateten, komisaun rekrutamentu 2026 halo ona prova kulturál ba kandidatu hamutuk  na’in-11.000-resin no iha tempu badak sei halo anúnsiu ofisiál ba kandidatu sira ne´ebé aprovadu ba teste Saúde no Psikolojiku.

“Komisaun rekrutamentu 2026 halo ona prova kulturál bá ema 11.000-resin prova ne’e termina iha loron 20 fulan-Outubru 2026 rezultadu ikus ha’u seidauk fó sai   ba média sira seluk, tanba agora dadaun komisaun sei prepara relatoriu ida ba iha Ministériu Interiór hodi haree realidade atinjimentu ne’ebé mak kandidatu sira iha,” Prezidente Júri Komisáriu Asistente Polísia José Soares  informa ba jornalista sira iha Kuartel Jerál PNTL, Kinta-ne’e.

Prezidente Juri ne´e mós lamenta ho informasaun falsu ne’ebé lansa iha média sosiál, inklui média balun hateten katak kandidatu sira ne’ebé la liu iha prova kulturál sei halo fali ezame ne’e hoax. Tanba komisaun hala’o tuir Leí ne’ebé mak vigór no la brandi viola Leí.

“Prova kulturál hotu ona agora iha loron 10 ami sei prepara relatóriu ba iha Ministru Interiór, ho rekomendasaun balun no depois kompetensia husi Ministru Interiór mak sei deside hili osan mean ka osan mutin ka hili osan metan”,  Prezidente Júri rekrutamentu ajente PNTL Komisáriu Asistente Polísia José Soares esplika.

Komisáriu Asistente Polísia José Soares afirma, komisaun sei realiza konferensia imprensa bá média sira hotu atu hatene nia rezultadu atinjimentu iha prova kulturál ne’e hira, rekomendasaun ne’e saida, prova tuir fali mai ne’e oinsá sei fó sai ba públiku nune’e ema hotu akompaña prosesu.

Iha Prova psikolojika no saúde, maibé iha prova kulturál ne’e kandidatu maioria mak tarde ne’e elemina no balun la partisipa tanba ba kontinua estudu ka hetan ona servisu iha fatin seluk.

Prezidente Juri rekrutamentu ne’e hateten husi re-verifikasaun dokumentu to’o prova kulturál, psikolojia, garante transparente no la iha diakriminasaun.

Jornalista: Juvinal Cabral dos Santos