Justisa no Krime

CAC Detein Veíkulu Estadu Tolu Husi CFP ho TR, Alegadu Utiliza Ba Interese Privadu

todayNovember 10, 2026 44 3

Background
share close

Díli, 10 Novembru 2026 (RAFA)— Komisaun Anti-Korrupsaun (CAC, sigla portugés), detein veíkuku Estadu tolu husi Komisaun Funsaun Públiku (CFP) ho Tribunál Rekursu (TR) ne’ebé alegadu utiliza ba interese privadu.

CAC detein veíkulu Estadu husi Tribunál Rekursu tanba alegadu utiliza ba interese privadu.

Veíkuku  Estadu ne’ebé ekipa investigadór Kriminál  husi CAC detein, rua husi  CFP ho sapa matrikula  CFP.03,  CFP.05  no  ida husi Tribunál Rekursu ho sapa matrikula TR.002.

Diretór-Jerál Investigasaun Kriminál CAC, José de Araújo Verdial, Tersa-ne’e, iha Edifisiu CAC, Díli, relata kayak  CAC halo operasaun iha Tersa-dadeer  ne’e hodi kaer ema na’in-tolu ne’ebé utiliza karreta Estadu bá fins  privadu.

Tuir Diretór Jerál Investigasaun CAC ne’e katak, Estadu fó karreta ba funsionáriu ne’ebé okupa kargu xefia atu utiliza bá nesesidade  no interese Estadu nian. Maibé, ekipa CAC durante halo fiskalizasaun rutina deskobre katak karreta hirak-ne’e utiliza hodi lori funsionáriu sira-nia oan ba eskola, ne’ebé konsidera nu’udar utilizasaun ba interese privadu.

“Estadu fó transporte bá kargu xefia sira atu   utiliza iha fins interese Estadu  nian, mas narealidade iha ekipa sira nia atividade fiskalizasaun deskobre katak ajente Estadu nian sira uliliza sira fila fali karreta Estadu tula fila fali sira  nia oan bá eskola, entaun ida-ne’e bá fins privadu,” Diretór-Jerál Investigasaun Kriminál CAC, José de Araújo Verdial klarifika.

Nia hatutan,  atividade  fiskalizasaun rutina bá kontrollu veíkuku Estadu ne’e, hahú iha tuku 06:00 dadeer no remata iha tuku 08:20 dadeer Otl.

Iha operasaun ne’e, CAC konsege kaer ema na’in-rua iha área Eskola Portugeza Ruy Cinatti Díli no ema ida seluk iha  eskola São José Operario, Balide, Dili.

Nia  afirma,  ema na’in-tolu ne’ebé kaer maioria motorista mak kondus no transporta sira-nia superior sira-nia oan ba eskola, tanba  ne’e ekipa CAC observa diretamente no haree  ho matan katak utilizasaun karreta  Estadu ne’e la’ós  hala’o servisu bá intesrese Estadu  maibé bá intesrese privadu.

Atuasaun ne’e bazeia ba artigu 218 Kódigu Prosesu Penál kona-bá flagrante de delito. Nune’e CAC lori karreta sira ne’ebé utiliza  hodi prosede bá identifikasaun no verifikasaun.

CAC hanesan órgaun Polísia kriminál Espesizalizada  iha kompeténsia haree bá asuntu krime pekulatu bá uzu, nune’e ekipa  CAC halo kedas atuasaun  no prende   karreta sira ne’ebé maka ajente sira Estadu nian utiliza  hodi  lori   bá   indentifikasaun.

José  Verdial  subliña katak, depois prosesu identifikasaun no avaliasaun ba prova sira, CAC sei kontinua prosesu investigasaun. Katak   se iha prova sufisiente, ema sira ne’e sei detein no aprezenta ba Tribunál liuhusi Ministériu Públiku, tuir prosedimentu legál, iha prazu oras 72 nia laran, atu hala’o julgamentu sumáriu.

Ekipa CAC liu husi deresaun invetigasaun kriminál halo asaun rutina ne’ebé mak  kabe bá kompeténsia CAC nian hodi halo fiskalizasaun bá uzu veíkulu Estadu.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!