Kazu Tranzasaun Droga, Tribunál Aplika Medida Koasaun Prizaun Preventiva Ba Arguidu CF

Polísia akompaña arguidu CF ba kumpre prizaun preventiva.

Díli, 01 Maiu 2026 (RAFA.tl)- Tribunál Judisiál Primeira Instánsia Díli (TJPID), liu husi Julgamentu Primeiru Interogátoriu, Sesta (01/05/2026),   hatun despaixu hodi aplika medida koasaun Prizaun Preventiva ba  arguidu ho iniInisiál CF tanba envolve iha kazu tranzasaun droga ho tipu Sabu-Sabu  grama  ida-resin (1,040).

Notísia Relevante: PNTL Detein Sidadaun Estranjeiru Na’in-Lima Deskonfia Halo Tranzasaun Droga ho Tipu Sabu-Sabu

Ministériu Públiku (MP) liu husi prosesu investigasaun inisiál hatudu katak iha indísiu forte kona-bá envolvimentu arguido CF ho nasionalidade Xina iha  atividade tranzasaun droga.  Nune’e, Ministériu Públiku promove ho krime trafiku no atividade ilísitu artigu 11 no konjuga ho artigu 10 iha Kódigu Penál (KP) Timor-Leste.

Hafoin Tribunál halo identifikasaun no rona mós aprezentasaun husi Ministériu Públiku ho evidénsia ne’ebé iha, deside hodi aplika pena prizaun preventiva ba arguidu CF.

Advogadu privadu José da Costa Ximenes  hateten iha alegasaun ne’e nia husu Tribunál  atu  aplika aprezentasaun periódiku ba nia kliente tanba sosa tutan atu fó ba ema seluk.

“Ha’u hanoin katak nia bele aprezentasaun periódiku para Ministeriu Públiku fó espasu ba autoriedade polisiál  kontinua halo investigasaun kle’an  tanba nia hola grama ida ne’e la’ós nia mak atu uza, maibé fó ba nia kolega sira,” Advogadu José da Costa Ximenes hateten ba jornalista sira iha Tribunál Judisiál Primeira Instásia Díli (TJPID).

Fó hanoin fila fali katak, Polísia Nasionál Timor-Leste (PNTL) liu-husi Diresaun Servisu Investigasaun Kriminál (DSIK) hamutuk ho ekipa servisu sekreta, detein sidadaun estranjeiru na’in-lima ne’ebé suspeita bá kazu ilisítu droga ho tipu sabu-sabu.

Sidadaun estranjeiru na’in-lima kompostu husi Indonéziu na’in-haat no Xinés na’in-rua ne’e, parte autpridade Timor-Leste detein iha Segunda, 27 fulan-Abrîl tinan 2026, iha fatin rua; ida iha Comoro no ida seluk iha Akadiruhun, Díli, ho oras la hanesan.

Durante halo  operasaun ekipa konjunta  konsege asegura suspeitu na’in-lima   deskonfia komete atividade ilisítu droga no lori kedas suspeitu sira ho evidénsia ba iha  Kuartel Jerál PNTL hodi halo detensaun no identifikasaun.

Arguidu CF rasik rejista ho NUK 0155/26.PNSIC hafoin kaptura iha Bidau Akadiruhun.

Julgamentu ba arguidu nain-haat inisiál S, IP, YM no AF tribunál hela hodi haklean investigasaun molok aplika medida ne’ebé rigor tuir lei haruka.

Iha audénsia julgamentu dahuluk ne’e prezide hosi juiz turnu, José Maria de Araujo, Ministériu Públiku reprezenta Prokuradór Matias Soraes no arguidu hetan asistensia legál husi Advogadu Privadu, José da Costa Ximenes.

 Jornalista: João Carlos/Editór: Vito Salvadór