play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

PNTL Detein Sidadaun Estranjeiru Na’in-Lima Deskonfia Halo Tranzasaun Droga ho Tipu Sabu-Sabu

todayApril 28, 2026 150

Background
share close

Suspeita na'in-lima ba kazu tranzasaun droga ho tipu sabu-sabu.

Díli, 28 Abríl 2026 (RAFA.tl)–Polísia Nasionál  Timor-Leste (PNTL), liu husi Diresaun Servisu Investigasaun Kriminál (DSIK), hamutuk ho Servisu Informasaun Polísia (SIP), J2, FALINTIL-Forsa Defeza Timor-Leste (F-FDTL), Servisu Nasionál Intelijénsia (SNI), ho Alfándega, halo operasaun espésial hodi asegura no detein sidadaun estranjeiru na’in-lima ne’ebé suspeita atividade tranzasaun ba droga ho tipu sabu-sabu.

Atuasaun ba autór na’in-lima ho inisiál Ip, S, Y, AF, ho CF ne’ebé suspeitadu ba tranzasaun Ddoga ho tipu sabu-sabu iha territóriu nasionál, liu-liu iha Kapitál Díli ne’e, ekipa konjunta asegura iha suspeitu sira nia rezidénsia iha Área Comoro no mós Bidau-Akadiruhun.

Informasaun Rafa.tl asesu katak hafoin Ekipa Servisu Intelijénsia Kriminál hetan informasaun halo kedas vijilánsia másimu ba autór sira no foti medida halo buska no apreensaun ba lokál krime iha Comoro ho Akadiruhun.

Durante operasaun konjunta ne’ebé ekipa sira hala’o iha  Segunda (27/04/2026), hahú husi tuku 08:00 dadér to’o tuku 22:00 Otl, konsege prende no detein suspeitu na’in-lima  iha lokal krime rua, maibé iha tempu hanesan, autoridade ekipa Servisu Kriminál sira mós prende evidénsia importante inklui pakote droga ho veikulu ida ne’ebé uza ba distribui substánsia Ilegál.

Iha informasaun balun ne’ebé iha katuir suspeitu na’in-lima ne’e kompostu husi mane na’in-tolu no feto na’in-rua. Suspeitu sira ne’e, na’in- ida ho nasionalidade Xina no haat seluk husi Indonézia.

Iha Tersa (28/04/2026), ekipa servisu konjunta kontinua halo investigasaun  buka hatene tan rede boot ne’ebé bele iha ligasaun ho suspeitu sira ne’e.

Diresaun Servisu Investigasaun Kriminál rejistu ona suspeitu na’in-lima ne’e ho Númeru Úniku Krime (NUC), 0153/26.PNSIC ho 0155/26 PNSIC, no suspeitu sira kontinua hetan detensaun preventiva no submete ba prosesu legál liu husi Ministériu Públiku hodi halo akuzasaun formal tuir lei ne’ebé vigora.

Jornalista: João Carlos/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!