Noticias

Xanana Informa Ba Ramos-Horta Sobre Audénsia Públika ho PN Kona-bá OJE 2027

todayOctober 12, 2026 49

Background
share close

Díli, 12 Outubru 2026 (RAFA)- Primeiru-Ministru, Kay Rala Xanana Gusmão informa ba Prezidente Repúblika, José Ramos-Horta sobre audénsia públika ho Parlamentu Nasionál kona-bá Orsamentu Jerál Estadu (OJE) 2027 ne´ebé sei hahú iha Kuarta, 14 Outubru 2026.

Xefe Governu hatutan, tanba  Prezidente Repúblika, Kuarta-feira atu sai, ne’e mak ohin hasoru malu tiha ho Xefe Estadu.

PM Xanana informa mós ba Prezidente Repúblika kona-bá vizita ba Tailándia, bele dehan susesu entermus iha investedór ne’ebé hakarak mai ajuda empreza sira, no mos inisiativa Primeiru-Ministru Tailándia  hakarak vizita Timor-Leste iha futuru.

“Ha’u informa ba Prezidente Repúblika katak, Kuarta-feira hahú ona audénsia públika bainhira audénsia sira ne’e hotu di’ak, mak tama ona ba diskusaun iha Assembleia Repúblika,” hatete Primeiru-Ministru, Kay Rala Xanana Gusmão ba jornalista sira hafoin enkontru semanál ho Prezidente Repúblika iha Palásiu Prezidensiál Bairu-Pite, Segunda-ne’e.

Iha sorumutu ne´e, Prezidente Repúblika bolu atensaun mós kona-bá preparasaun ba hasoru El Niño. Tanba El Niño depois haree iha Eropa tomak mosu inséndiu maibé afinál iha sorin-sorin udan fali.

“Iha Kalimantan dala ruma imi akompaña di’ak liu ha’u, ha’u haree iha televizaun Kuala Lumpur loron, nakukun hanesan kalan, tanba ahi suar besik kedas, Singapura, Kuala Lumpur, Brunei problema boot, ne’ebé susar atu mate. Imi haree foho sai ba li’ur haree, El Niño mai iha ne’e ahi atu han du’ut hotu tiha,” dehan Xefe Governu.

Xanana Gusmão esplika, tanba floresta loloos ne’e iha liu foho, tanba ida ne’e mak temi tiha ona zona protezida iha enkuadramentu planeiamentu teritoriál ne’e iha ona. Tanba área protezida ne’ebé ema labele halo uma, taa ai, nune’e proteze klima.

Jornalista: Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!