Ouvir RAFA Ritmo, Voz e Coração de Timor
Díli, 04 Novembru 2026 (RAFA)- Primeiru-Ministru, Kay Rala Xanana Gusmão apela ba sidadaun hotu atu kontinua moris ho dame no unidade hodi simu vizita lider sira rejionál mai Timor-Leste iha fulan-ne´e nia laran.
Tuir ajenda ofisiál Estadu ne´ebé iha, vizita líder nasionál sira sei hahú iha loron 24 fulan-ne´e ho Prinsipadu Mónaku no kontinua ho Primeiru-Ministru Fiji, Vanuatu no Papua-Nova Guiné iha loron 28 Novembru.
“Ita buka enkoraza malu, fó hanoin ba malu dehan, to’o ona, ita moris ho pás nafatin, dame nafatin,” hatete Primeiru-Ministru, Kay Rala Xanana Gusmão hafoin enkontru ho Prezidente Repúblika, José Ramos-Horta iha Palásiu Prezidensiál, Kuarta-ne’e.
Xanana hatete, vizita hirak ne’e sai oportunidade atu hametin relasaun, enkoraja malu no haforsa kompromisu ba dame no unidade.
Iha loron 29 Outubru 2026, Prezidente Repúblika, José Ramos Horta, informa ona katak, líder rejionál husi nasaun lima hanesan Primeiru-Ministru Papua-Nova Giné, Fiji no Vanuatu, sei vizita Timor-Leste entre loron 24 to’o loron 27 fulan-Novembru tinan ne’e.
Jornalista: Cristina Ximenes
Written by: RafaFM
Xanana Apela Ba Dame no Unidade Hodi Simu Vizita Líder Rejionál sira
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt