Noticias

Voice of Justice Sei Organiza Asaun Durante Loron Tolu Ezije Justisa no Protesaun Efetiva ba Vítima Violénsia Bazeia ba Jéneru

todayNovember 19, 2026 48

Background
share close

Díli, 19 Novembru 2026 (RAFA)- Voice of Justice, ne´ebé kompostu husi Rede Feto, FOKUPERS, ALFeLA no organizasaun parseira sira, sei hala’o asaun konjunta  marxa pasifika durante loron tolu atu ezije justisa no protesaun efetiva ba vítima violénsia bazeia ba jéneru, liuliu feto no labarik feto sira.

Prezidente Rede Feto, Zélia Fernandes, Kinta-ne’e, hateten movimentu Voice of Justice la’ós envolve de’it membru Rede Feto, maibé inklui mós organizasaun no parseiru sira ne’ebé iha kompromisu hamutuk atu kombate no prevene violénsia bazeia ba jéneru.

“Kazu violensia ne’ebé hakotu Palomita Gusmão Guterres  nia ho momos hatudu ba públiku tomak, la’ós ba movimentu de’it, alin feto ne’e liafuan ikus husu husu tulun, maibé sosiadade ne’ebé hamriik besik haree husik de’it. Sosiadade haluha katak, nia hasoru hela ninia mate, ne’e ida, ita preokupa ho situasaun ida ne’e, ita kondena aktu nonok ne’ebé sosiadade tomak haluha sofrimentu ne’ebé iha hela ita ninia matan laran,” hatete Prezidente Rede Feto, Zelia Fernandes liu husi konferénsia imprensa iha Salaun ALFeLA, Vila-Verde, Kinta-ne’e.

Zelia Fernandes hatutan, maske movimentu no organizasaun sira halo ona kampaña, sosializasaun no advokasia durante tinan barak, violénsia kontinua akontese, enkuantu sosiedade dala barak ignora sofrimentu vítima sira.

Nune’e, kazu ne’e hatudu katak vítima husu tulun iha nia momentu ikus, maibé sosiedade ne’ebé besik haree de’it no husik, tanba ne’e kondena atitude nonook no indiferensa hasoru violénsia ne’ebé akontese iha matan.

Entretantu, reprezentante Feto Potensiál, Bella Gailhos, apela ba sosiedade tomak atu para normaliza violénsia, liu-liu iha ambiente família, no la kontinua hamriik nonook bainhira haree aktu violénsia.

Autór sira ne’ebé halo krime sira ne’e la’ós mai husi kalohan ka sai husi tasi ka rai mesak, mai husi família ida tanba ida ne’e mak konsentrasaun iha loron tolu ita hakarak, loke komunidade tomak nia matan, nia kakutak no neon atu hapar ita nia hahalok ida foti sasan sira ne’e normál,” Bella Gailos haktuir.

Nia mós ezije Estadu no Governu atu reforsa implementasaun lei no mekanizmu protesaun ne’ebé efetivu, atu garante seguransa ba feto, labarik feto no grupu vulnerável sira.

Bella Gailosafirma, Timor-Leste merese sai nasaun ne’ebé dame, justu no respeita ema hotu-hotu nia direitu. Tanba ne’e, mudansa tenke hahú husi ema ida-idak no komunidade tomak.

Jornalista: Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!