play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Valeta Sira Entupidu Halo Udan-Been Sulin Tuir Estrada Tama To’o Aeroportu

todayApril 20, 2026 67

Background
share close

Inundasaun iha Aeroportu Internasionál Prezidente Nicolau Lobato, Domingu (19/04/2026).

Díli, 20 Abril 2026 (RAFA.tl)— Aeroportu Internasionál Prezidente Nicolau Lobato sempre enfrenta inundasaun, kauza husi kondisaun valeta sira nakonu ho foer no tahu.

PM Xanana halo observasaun ba valeta sira ne’ebé nakonu ho sedimentasaun iha área Kampu Baru, Comoro, Segunda (20/04/2026).

Iha Domingu loraik, 18 Abril 2026, udan ho intensidade boot iha Díli kuaze oras ida. Udan ne’e provoka be nalihun iha estrada iha área Rotunda Prezidente Nicolau Lobato, no ikus mai hamosu inundasaun iha pista Aeroportu Internasionál Prezidente Nicolau Lobato.

Aviaun Aero Díli ne’ebé foin tun (landing) atravesa kedas ho udan-been nalihun iha pista Aeroportu nian hodi fó kauza ba pasajeiru sira tuun husi aviaun la’o ho sapatu bokon.

Iha Segunda-feira (20/04/2026), Primeiru-Ministru Kay Rala Xanana Gusmão, akompaña husi Sekretáriu Estadu Toponímia no Organizasaun Urbana (SEATOU) Germano Santa Brites Dias, Prezidente Konsellu Administrasaun ANATL E.P Romualdo António da Silva, no ekipa tékniku husi Ajénsia Dezenvolvimentu Nasionál (ADN), hala’o observasaun iha Aeroportu Internasionál Prezidente Nicolau Lobato. Observasaun ne’e ho objetivu atu hatene ho klaru kauza inundasaun ne’ebé akontese iha area aeroporto.

Valeta entupidu ho plástiku

Observasaun ne’e halo kedas husi parte área Kampung Baru tuun to’o Aeroportu no deskobre katak, valeta sira nakonu ho tahu no lixu plástiku oi-oin ne’ebé rezulta udan-been la halai tuir valeta, maibé sulin tuir estrada tama to’o pista aeroportu nian.

“Ha’u mai haré tanba saida mak bee la halai tuir bee-dalan, maibé halai tuir fali estrada laran hodi tama to’o aeroportu. Afinál, ha’u haré plástiku (aqua mamuk), roupa aat sira udan-been lori taka tiha bee-dalan hodi halo udan-been sulin tuir estrada laran tama to’o aeroportu,” PM Xanana Gusmão hatete.

Biban ne’e, Primeiru-Ministru Xanana Gusmão husu komunidade hotu atu halo limpeza bei-beikk no soe faer iha lixeira ne’ebé Governu prepara ona.

Xefe ezkutivu ne’e orienta SEATOU, Germano Santa Brites Dias ho ekipa tékniku sira hodi hasai sedimentasaun iha veleta sira iha área Comoro nian.

Jornalista: Remigia Locatelli/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!