Ouvir RAFA Ritmo, Voz e Coração de Timor
Arguidu na’in-rua ne'ebé utiliza veíkulu Estadu nba fins privadu detein iha sela CAC. Imajen/Espesiál
Díli 13 Novembru 2026 (RAFA)–Tribunál Judisiál Primeira Instánsia Díli (TJPID), Sesta-ne’e, halo audénsia julgamentu ba pesoal kargu xefia na’in-rua husi instituisaun Estadu, hanesan arguidu ida husi Diresaun Nasionál Seguransa Edifísiu Públiku (NSEP) no arguidu ida seluk husi Sekretariadu Parlamentu Nasionál tanba utiliza veíkulu Estadu ba fins privadu.
Tuir faktu husi ne’ebé aprezenta husi Komisaun Anti-Korrupsaun (CAC) no Ministériu Públiku (MP), katak arguidu na’in-rua ne’e, kaer iha Balide, tanba sira rasik kondus karreta Estadu tula oan bá eskola iha, Tersa 10 fulan-Novembru-ne’e.
CAC liu-husi atividade rutina fiskalizasaun konsege deskobre suspeitu na’in-rua ne’e no detein hodi halo indentifikasaun durante oras 72 nia laran.
Iha Kinta-ne’e, MP aprezenta arguidu na’in-rua ne’e bá Tribunál atu hala’o julgamentu Primeiriu Integatóriu ho kirme prekulatu bá uzu, maibé Triunbuál deside bá halo julgamentu sumariu, tanba arguidu sira kumpri ona detensaun oras 72 sela CAC.
Durante audénsia arguidu sira konfesa imparsiál bá tribunál no rekoñese katak, tula duni sira nia oan bá eskola.
Prokuradór Domingos Goveia Leite ne’ebé reprezenta MP haree katak iha indisiu forte bá krime pekulatu bá uzu, nune’e husu Tribunál atu aplika pena suspensaun nu’udar parte ida hanesan bolu antesaun bá arguidu sira atu la bele kontinua utíliza sasán Estadu nian bá fins privadu
Parte Defeza liu-husi Defensór Públiku Marçal Mascarenhas ne’ebé fó asisntensia legál arguidu na’in-rua, husu Tribunál atu aplika pena administrasaun, fó hanoin bá arguidu sira atu nune’e labele kontinua utiliza veíkulu Estadu tula família la’o pasiar iha Díli laran.
Rona tiha alegasaun Tribunál liu-husi Juiz José Maria de Araújo , deside ádia bá Tersa, 17 Setembru-ne’e, haleu tuku 14:00 Otl hodi hatun deiszaun bá krime pekulatu bá uzu.
Jornalista: Marcelino Tomae
Written by: RafaFM
Alegadu Utiliza Veíkulu Estadu Ba Fins Privadu Tribunál Julga Kargu Xefia Na’in-Rua
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt