Tribunál Altera Medida Koasaun TIR Ba Prizaun Preventiva Ba Arguidu Sira Kazu Scam Call Centre Ulmera

PNTL transporta arguidu sira kazu scam call centre Ulmera, Liquiça ba kumpre prizaun preventiva, Kuarta-kalan, 19 Agostu 2026.

Díli, 19 Agostu 2026 (RAFA)– Tribunál Judisiál Primeira Instánsia Díli (TJPID) altera medida koasaun Termu Identidade Rezidénsia (TIR) ba Prizaun Preventiva (PP) ba arguidu sira ne’ebé alegadamente envolve iha rede scam call centre iha Ulmera, Liquiça.

Arguidu sira bá kazu scam call centre iha Ulmera hamutuk na’in-76, maibé na’in-rua mak konsege kumpre medida kausaun US$10,000 husi jerente ida, no arguidu seluk selu kausaun US$2,500, no na’in-74 mak seidauk selu kausaun iha prazu loron 20 nia laran.

Ho dezobidénsia ba desizaun TJPID nian ne’e,   Tersa 18 Agostu 2026, TJPID altera hotu médida haat (4) ne’ebé aplika antes no hatun mandadu kapturasaun ba Polísia Nasionál Timor-Leste (PNTL)  hodi kaptura  arguidu sira lori Prizaun Preventiva.

Iha  Kuarta-ne’e, PNTL kumpri dandadu husi Tribunál   ba kaptura arguidu na’in-74,  maibé konsege kaptura de’it na’in-13 iha rezidensia ne’ebé arguido sira arrenda  iha Ulmera, enkuantu  arguido na’in-61 deskonfia halai lakon.

Hafoin  kapturasaun PNTL transporta arguidu sira mai  Kuartel Jerál PNTL no hlao hikas identifikasaun kuaze oras oras  rua nia laran husi  tuku 18:00 to’o  tuku 20:00 OTL.

Hafoin remata indentifikasaun, ekipa konjunta transporta arguidu na’in-13 ne’e bá Prizaun Preventiva iha tuku 21:30 OTL.

Antes Tribunál aplika  médidia koasaun Termu Indetidade Rezidénsia, aprezenta Periódidika fulan ida dala rua, médidia kausaun US$10,000 bá Jerente ida no  arguido na’in-75  seluk hetan medida  kauasuan US$2,500.

Jornalista: Marcelino Tomae/Fidelino de Araújo