Noticias

Timor-Leste iha Obrigasaun Prepara Kondisaun sira Ba Siméria Prezidénsia ASEAN 2029

todayNovember 10, 2026 19

Background
share close

Díli, 10 Novembru 2026 (RAFA) – Primeiru-Ministru (PM) Xanana Gusmão, hateten, Timor-Leste iha obrigasaun tenke prepara kondisaun hanesan projetu International Convention  Centre  (ICC), Otél kategoria fitun-lima, projetu Aeroportu Internasionál Prezidente Nicolau Lobato no parte seguransa nian hodi simu   Simeira Presidensiál ASEAN 2029 ne’ebé Timor-Leste rasik sei lidera no sai uma-na’in.

Xefe Ezekutivu  hateten hodi hatan ba preokupasaun no lamentasaun sira husi bankada opozisaun relasiona ho projetu ICC ne´ebé konsidera ho orsamentu bo´ot no projetu lao neneik.

“Ida-ne’e mak sira eziji liu kondisaun ne’ebé ba iha kategória ne’ebá, lae la presiza, tanba ida-ne’e foin daudaun mós Primeiru-Ministru ba to’o iha Jakarta, Sekretáriu ASEAN  nian atu husu ita nia preparasaun ba 2029 ne’e iha saida de’it, tanba ida ne’ebá  ICC mak laiha, sira sei la fó ita kaer prezidénsial,” Primeiru-Ministru Xanana Gusmão informa, Tersa-ne’e.

Xefe Governu afirma,  bainaka importante rihun ba rihun mak  sei mai partisipa iha Siméria Prezidénsia ASEAN 2029, inklui Governu mós tenke prepara parte seguransa  nian, ne’ebé bele garante seguransa ba bainaka importante sira ne’ebé partisipa iha  Siméria Pezidensiál ASEAN 2029 nian.

“Sé ita la prepara kondisaun sira ne’e, sira sei dehan katak la presiza la mai, hein kuandu ó prepara hotu mak foin ami bele fó Siméria Prezidénsial ASEAN 2029,  ba ó kaer ne’ebé diferénsia ne’e iha ne’e, la’ós tanba hakarak gasta osan ne’e lae,” tenik Xefe Governu.

PM Xanana esplika  país sira ne’ebé lidera Siméira Prezidensiál ASEAN ne’e tuir orden alfabetu, 2027  Singapura,  2028 Tailándia,  2029 Timor-Leste no 2030 Vietnam.

Molok ne’e, membru Parlamentu Nasionál husi Bankada FRETILIN Dário Madeira konstiona OJE 2027 nia investimentu boot liubá iha área infraetrutura ho montante millaun  500 USD no millaun 71 USD ba  konstrusaun projetu ICC.

“Orsamentu ida-ne’e mai ho nia programa, mai ho nia planu tanba ne’e ha’u hakarak husu Primeiru-Ministru no Membru Governu sira ne’ebé kompetente, liuliu liga ba Díli Internasionál Convensaun Centre,” hatete Deputadu Bankada FRETILIN Dário Madeira.

Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!