Ouvir RAFA Ritmo, Voz e Coração de Timor
Díli 29 Outubru 2027 (RAFA)- Membru Parlamentu Nasionál husi Bankada CNRT, Natalino dos Santos, hatete, desizaun TIMOR GAP, Empreza Públika (E.P) sosa tán 33,44% husi partisipasaun kompaña Woodside iha projetu gás Greater Sunrise ho valor tranzasaun millaun 200 USD ne’e opsaun politiká husi Estadu no Governu nian, nune’e ho desizaun ne’e hatudu katak Timor-Leste mak sai na’in ka iha direitu tomak atu jere no dezenvolve Greater Sunrise.
“Ne’e vantajen boot ba ita para depois ita nia kompaña Estatál TIMOR GAP ne’ebé hetan responsabilidade no autoridade para atu halo ka jere kompaña ne’e lori povu Timor-Leste nia naran hodi hola desizaun ba bem estar ne’e desizaun ida di’ak,” hatete Deputadu Natalino dos Santos hodi responde RAFA iha PN, Kinta-ne’e.
Iha fatin hanesan Prezidente Bankada CNRT, Deputadu Patrocino dos Santos, hatete diskusaun negosiasaun politiká no teknikú nian, kona-bá prosesu projetu Greater Sunrise ne’e komplexu, tanba Timor-Leste tama iha join venture ne’ebé kompaña hotu-hotu iha autoridade atu halo desizaun entermu dominasaun asoen sira ne’e.
“Timor TIMOR GAP lori estadu nia naran iha liu podér atu bele halo negosiasaun sira lori benefisiu boot ba Timor-Leste iha asaun sira hanesan ne’e ita presiza iha autoridade ne’eb’e boot para depois bele halo negosiasaun ne’ebé konserteza benefisiu ba Timor ne’e boot,” dehan Deputadu Patrocino dos Reis Fernandes.
Reprezentante povu ne´e afirma ho sosa partisipasaun Woodsite nian ne´e hatudu katak TIMOR GAP iha autoridade 100% atu hola dezisaun kona-bá posizaun Greater Sunrise.
Jornalista: Zita Menezes
Written by: RafaFM
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt