Ouvir RAFA Ritmo, Voz e Coração de Timor
Díli, 11 Novembru 2026 (RAFA)- Vise-Prezidente Timor Gap, E.P, Domingos Lequisiga, Kuarta-ne’e, aprezenta dokumentu teknikú no atividade Timor Gap nian, inklui progresu kampu Greater Sunrise ba reprezentante povu sira atu nune´e bele akompaña di´ak liután dezenvolvimentu sira relativamente ho projetu Greater Sunrise rasik.
Vise-Prezidente Timor Gap afirma, kampu Greater Sunrine ne’e deskobre ona iha tinan 1974 kompostu husi área rezervatoriu rua ida naran, sunrise no ida naran trovadór, rua ne’e hamtutuk mak naran Greater Sunrise.
“Gás ne’ebé mak ita sei bele recover ka prodús husi kampu ne’e ho nia presaun normal ne’ebé mak iha bele purvolta 5.3 tcf aliende gás iha mós oliu ka kondesadu ka light oil ne’ebé mak sei prodús hamutuk 226 millaun baríl,” hatete Vise Prezidente Timor Gap, E.P, Domingos Lequisiga iha sesaun debate Orsamentu Jerál Estadu (OJE) 2027 faze Jeneralidade iha plenária Parlamentu Nasionál.
Nia hatutan, Timor-Leste nia partisipasaun direita iha kampu Greater Sunrise ne’e rasik katak antes 2019 Timor-Leste nia partisipasaun zero no depois halo akizasaun Timor-Leste nia partisipasaun sa’e ba 56.56%, no iha tinan 2026 Timor-Leste konklui tán akizasaun ba iha kompaña Osaka Gás no mós Woodside nian ne’ebé lori Timor-Leste nia partisipasaun sai 100%, liuhosi akordu entre Estadu Timor-Leste no Austrália.
Nia afirma, foin lalais iha fulan-Agostu liubá, Estadu Timor-Leste no Austrália no join venture iha ona konkordánsia sira ne’ebé mak sei lori ba iha dezenvolvimentu kampu Greater Sunrise.
Dokumentu prinsipál tolu ne’e, Petroleum Mining Code, Segundu Fiskál rejime ne’ebé haré kona-bá impostu, no mós kontratu ba fahe produsaun ka Production Sharing Contract (PCS).
“Agora daudaun dokumentu sira ne’e hala’o hela finalizasaun no mós Estadu rua (Austrália ho Timor-Leste) espera iha desizaun iha loron 31 fulan-Marsu 2027 asina ona. Tanba saida mak ida-ne’e importante tanba dokumentu sira ne’e bele garante serteza ba iha oinsá atu investedór sira ne’ebé mak atu mai investe iha ne’e,” tenik nia.
Vise-Prezidente ne’e akresenta servisu lubuk ida ne’ebé MPRM ho Timor Gap halo hela mak estudu lubuk ida kona-bá pipeline nomós iha planta TLNG iha Natarbora, rezultadu estadu ne’e mak sai hanesan imput ba iha Timor Gap ba dezenvolvimentu dezeñu Greater Sunrise rasik, No mós servisu prinsipál seluk ne’ebé mak Timor Gap hala’o mak sub surface ho lian simples karik posu sira ne’ebé mak fura oil no gas husi ne’ebá nomós subsea ne’e kadoras sira ne’ebé mak dada gas husi posu ne’e ba plataforma.
Nia afirma iha tempu hanesan Timor Gap mós halo hela partisipasaun ba iha merkadu komersiál sira ho kompaña sira ne’ebé mak interese atu halo kontratu nomós halo hela negosiasaun ba presu, no espera tinan 2029 bele Timor Gap bele konklui dokumentu sira ne’e.
Jornalista: Zita Menezes
Written by: RafaFM
Timor Gap Aprezenta Progresu Projetu Greater Sunrise Ba Parlamentu Nasionál
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt