play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Destaques

Taça da Liga, Aitana F.C iha Ambisaun Manan Emmanuel F.C iha Jogu Ikus Grupu A

todayJanuary 28, 2026 55 4

Background
share close

Aitana F.C iha ambisaun manan Emmanuel F.C iha jogu ikus grupu A Taça da Liga 2025 iha Estádiu Munisipál Díli, Sesta (30/01/2026). Imajen/Rafa.tl

 DILI, RAFA.tl – Klubu Aitana F.C  hakarak tane dignidade klubu nian iha adeptu sira nia oin, nune’e iha ambisaun manan Emmanuel F.C iha jogu ikus grupu A Taça da Liga 2025.

Notísia Relevante: A.D S.L.B Laulara Rekolla Pontu Tolu iha Jogu Daruak Grupu A Kontra Aitana F.C ho Skor 3-0

Ekipa Emmanuel F.C. Imajen/Rafa.tl

Asistente Trinadór Aitana F.C, Galucho Martins, iha konferénsia imprensa ne’ebé hala’o iha Estádiu Munisipál Díli, Kuarta (28/01/2026), hateten nia ekipa sei tau aas integridade klubu, no esforsu maka’ás hodi halakon Emmanuel F.C maske Aitana F.C rasik laiha ona oportunidade hodi avansa ba faze tuir mai.

“Ho Emmanuel F.C ami mós hakarak esforsu atu manan. Joga  atu fó malu de’it ne’e laiha, Sesta (30/01/2026), iha Estádiu Munisipál Díli,  ami mós hakarak menan Emmanuel ho dignidade,” Asistente Trinadór Aitana F.C, Galucho Martins afirma.

Tuir nia, jogu referida hanesan jogu ikus ba ekipa Aitana, nune’e sei orienta jogadór sira, esforsu hodi hetan pontu tolu no promete Aitana F.C sei esforsu maka’ás hodi bele  halakon ho Emmanuel F.C.

Iha fatin hanesan asistente Treinadór Emmanuel F.C, Van Basten afirma, jogadór husi ekipa Emmanuel F.C prontu ona atu kompete, no iha esperansa sei manan iha jogu ne’e hodi pasa ba faze meia-finál.

“Ami mai ho alvu manan. Iha  jogu Sesta-ne’e, manan, parte seluk mak golu, golu ne’e ami sura ba bonus ida, karik atinje to’o golu tolu, ami bele ultrapasa, se karik la atinje to’o golu tolu, ami mai ho prinsipiu ida tenke manan iha jogu kontra Aitana FC,” Van Basten hateten.

Fó hanoin fali katak,  antes ne’e iha jogu dahuluk Taça da Liga nian iha grupu A,  ekipa Emmanuel F.C fahe pontu hanesan ho A.D SLB Laulara ho skor 0-0, no iha jogu daruak AD SLB Laulara manan Aitana F.C ho skor 3-0, nune’e jogu Sesta-ne’e mós sei determina destinu ekipa Emmanuel F.C no AD SLB Laulara iha grupu A no garante billete ida ba meia-finál.

Tuir oráriu jogu daruak entre ekipa Aitana F.C no Emmanuel F.C sei halo iha Sesta, 30 fulan-Janeiru ne’e, iha Estádiu Munisipál Díli.

Notísia Relevante: Emmanuel F.C ho AD SLB Laulara Fahe Pontu Hanesan iha Jogu Abertura Taҫa da Liga

Reportajen ekipa Rafa tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!