Noticias

Servisu ho Imparsialidade no Transparénsia, FM Kongratula Komisaun Rekrutamentu PNTL

todayNovember 13, 2026 61

Background
share close

Díli, 13 Novembru 2026 (RAFA)– Diretór Ezekutivu Fundasaun Mahein (FM), Nelson Belo, hato’o apresiasaun no kongratula ekipa Komisaun Rekrutamentu PNTL tinan 2026 no ekipa médiku husi Hospital Nasionál Guido Valadares (HNGV) tanba konsidera servisu hotu ne´ebé ekipa presta hatudu imparsiálidade no transparénsia.

“Teste sukat ba altura nian ohin ne’e aviza mai ita katak, se ema ne’e tuir teste no ninia valor ne’e di’ak, ninia altura ne’ebé la to’o labele sai razaun atu elimina nia. Kritériu ida-ne’e presiza haree mós paradigma sira ne’ebé ha’u temi ona, tanba paradigma agora daudaun ne’e hasoru funu sibernétika ho grupu organizadu, ne’ebé presiza kapasidade intelektuál,” hatete Nelson Belo, Sesta-ne’e.

Nia esplika teste saúde inklui sukat altura kandidatu sira, tenke konsidera rekizitu avaliasaun ne’ebé estabelese ona. Maibé, kritériu sira ne’e mós presiza haree ho paradigma no nesesidade dezenvolvimentu polísia iha mundu modernu.

Fundasaun Mahein konsidera prosesu rekrutamentu PNTL foun tenke asegura avaliasaun ne’ebé justu, transparente no bazeia ba kritériu objetivu, atu kandidatu sira hetan oportunidade tuir sira-nia kapasidade no kualifikasaun.

Tuir observasaun RAFA iha faze inisiál teste médiku, kandidatu hamutuk 125 mak tuir ona ezame saúde iha Sentru Formasaun Polísia.

Iha prosesu ne’e, kandidatu sira hetan verifikasaun saúde, inklui sukat altura tuir kritériu rekrutamentu ne’ebé estabelese, ho altura mínimu ba feto sentímetru 158 cm no mane sentímetru 165 cm. Maibé, iha kandidatu balun ne’ebé altura la to’o kritériu ne’ebé determina, komisaun elimina diretamente husi prosesu seleksaun.

Jornalista: João Carlos

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!