Ouvir RAFA Ritmo, Voz e Coração de Timor
Sekretáriau Estadu Formasaun Profisionál no Empregu, Rogério Mendónça hasoru malu ho PR José Ramos-Horta iha Palásiu Preizdensiá;, Kuarta 28 outubru 2026.
Díli 28 Outubru 2026 (RAFA)- Sekretáriu Estadu Formasaun Profisionál no Empregu (SEFOPE), Rogério Mendonça, Kuarta-ne’e, iha Palásiu Prezidesiál, hasoru malu ho Prezidente Repúblika, José Ramos-Horta, hodi atualiza programa mobilidade laborál no oportunidade atu aumenta empregu ba traballadór Timor-oan iha Korea-Súl no Austrália inklui mós Nova Zelándia.
Iha enkontru ho Xefe Estadu ne’e, SEFOPE halo atualizasaun kona-bá situasaun traballadór Timor-oan iha Korea-Súl, inklui oportunidade atu espande kooperasaun ba área foun hanesan ospitalidade no kuidadu ba idozu, aleinde setór peska, fábrika no agrikultura ne’ebé iha ona akordu kooperasaun.
“Prezidente Repúblika sei hala’o vizita traballu ba iha Korea, entaun husu parte Sekretáriu Estadu Formasaun Profesionál no Empregu, hodi bele update fila fali informasaun kona-bá mobilidade laboral ne’ebé iha Korea-Súl,” Rogério Mendónça informa.
SEFOPE rekomenda mós ba Prezidente atu hametin kooperasaun ho entidade kompetente sira iha Korea-Sul, hodi loke dalan ba juventude Timoroan atu hetan oportunidade empregu tuir sira-nia abilidade no kompeténsia.
Iha enkontru ne’e diskute mós kona-ba vizita traballu Prezidente Repúblika ba Austrália, ne’ebé sei hala’o iha semana datoluk fulan ida ne’e, ho objetivu atu hametin kooperasaun bilaterál iha área mobilidade laborál.
Durante vizita ne’e, Prezidente sei haree diretamente kondisaun traballadór Timoroan sira iha Austrália, inklui sira nia fatin servisu no alojamentu, hodi asegura katak programa mobilidade laborál bele fó benefísiu no protesaun adekuada ba traballadór Timoroan.
SEFOPE Uza Sistema Rekrutamentu Diferente baTraballadór
Sekretariadu Estadu Formasaun Profisionál no Empregu (SEFOPE) implementa mekanizmu rekrutamentu diferente atu haruka traballadór Timor-oan ba servisu iha rai-li’ur, tuir sistema no prosedimentu ne’ebé nasaun destinasaun ida-idak estabelese.
Sekretárua Estadu Formasaun Profisionál no Empregu, Rogério Mendónça dehan, sistema sira ne’e inklui Employment Permit System (EPS) ba Korea- Súl, Pacific Australia Labour Mobility (PALM) ba Austrália, no Recognised Seasonal Employer (RSE) ba Nova Zelándia.
Nia esplika, prosesu rekrutamentu ba traballadór Timor-oan tenke tuir regra no prosedimentu ne’ebé aplika iha sistema ida-idak, hodi asegura katak prosesu haruka traballadór ba estranjeiru hala’o tuir mekanizmu ofisiál.
“Ne’ebé sistema rekrutamentu sira ne’e, ha’u hanoin katak, sistema rekrutamentu tuir duni regra, no prosedimentu ne’ebé ita iha,” informa Sekretariadu Estadu Formasaun Profisionál no Empregu, Rogério Mendónça Númeru traballadór ne’ebé servisu iha Austrália hamutuk na’in-27.403, Korea iha 8.466 no iha Nova Zelándia 200 itall.
Jornalista: Cristina Ximenes
Written by: RafaFM
SEFOPE Atualiza Ba Xefe Estadu Kona-bá Oportunidade Empregu Timor-oan iha Korea-Súl no Austrália
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt