Reprezentante iha KSMJ Tenke Pessoal Ne’ebé Esperiénsia Kle’an iha Aréa Juridiku

Membru Bankada FRETILIN, Antoninho Bianco.

Díli, 22 Setembru 2026 (RAFA) –  Membru Parlamentu Nasionál konsidera ema ne’ebé mak atu sai membru Konsellu Superior Majistratura Judisiál (KSJM) tenke pessoal ne’ebé iha esperiénsia kle’an iha areá juridiku nian.

Membru  Bankada  FRETILIN,  Antoninho Bianco ba Tersa-ne’e iha Parlamentu Nasionál, hateten Konsellu Superior Majistratura Judisiál nia papél importante tebes  tanba atu tau matan ba juíz sira iha Timor-Leste no oinsá mak Tribunál Rekursu no Supremu Tribunál JUstisa bele la’o di’ak.

“Ami nia posizaun katak KSJM orgaun kompetente ne’ebé mak importante tenke pesoál dignu esperiénsia di’ak para asegura prosesu nomeasaun prosesu ba juíz sira, promosaun ba sira, dekretu fundamentu sira no sira fó opiniaun  para bele asegura justisa ne’ebé di’ak iha tribunál sira,” Deputadu Antoninho Bianco informa.

Membru Bankada FRETILIN ne’e mós la menta ho dezisaun Governu ne’ebé ezonera membru Konsellu Superior Majistratura balu,   tanba tuir nia katak  figura ne’ebé mak atu ba asumi  membru KSMJ tenke kaer resposabilidade tomak  katak mandatu hotu mak foin bele sai husi mandatu membru konsellu superior majistratura judisiál.

“Ha’u hatene katak buat ne’e tuir regra labele, mais agora keta halo iha presaun politiká ruma,” tenik nia.

Sorin seluk, Deputadu Bankada PD Mariano Fernandes Malik hatutan, Timoroan sira hotu iha kompeténsia atu ba iha  membru KSMJ imporante iha esperiénsia no domina iha lei sira.

“Figura  ne’ebé mak atu ba kualkér Timoroan iha kompeténsia iha kakutak badaen domina kona-bá lei ba asuntu no importante mak tenke hakruuk ba kritériu ne’ebé estabelese husi tribunál judisiál ne’e rasik,” Deputadu Mariano Fernandes Malik hateten.

Jornalista : Zita Menezes