Ouvir RAFA Ritmo, Voz e Coração de Timor
PM Xanana Gusmão halo enkontru semanál ho Xefe Estadu, José Ramos-Horta iha Palásiu Prezidensiál, Kinta (19/02/2026). Imajen/Rafa.tl
Díli, 08 Outubru 2026, (RAFA) – Prezidente Repúblika, José Ramos-Horta, sei konsulta kle’an ho Primeiru-Ministru, Xanana Gusmão, kona-bá situasaun real iha setór judisiáriu, liu-liu kona-ba esforsu atu hametin integridade, imparsiálidade no independénsia poder judisiál iha Timor-Leste.
Ramos-Horta hatete tuir prinsipiu separasaun podér, Prezidénsia no Governu tenke kuidadu no sukat didi’ak kada asaun, atu nune’e, la hamosu interferénsia ba órgaun soberanu sira, liu-liu iha área justisa.
“Bainhira Xefe Governu fila, ami na’in-rua sei ko’alia kle’an ba ida ne’e. Depois haré tuir prinsipiu seperasaun poder, iha buat ne’ebé Primeiru Ministru bele halo, Prezidente Repúblika bele halo, ami sei halo atu kontinua tane nafatin integridade, imparsialidade, poder judisiál,” Xefe Estadu hateten hodi responde RAFA iha konferésia imprensa iha sala VVIP Aeroportu Internasionál Prezidente Nicolau Lobato, Kinta-ne’e.
Ramos-Horta subliña, nia parte ho governu inklui órgaun seluk tenke kuidadu, sukat didi’ak, saida mak halo atu labele mosu fali hanesan interferénsia iha setór justisa. Maibé, Horta akresenta, rona la’ós foin daudaun de’it, antes nia ba li’ur problema oi-oin ne’ebé parte barak foti.
“Ami haré, ha’u rona la’ós foin daudaun de’it, antes ha’u ba, semana sira nia laran ne’e problema oi-oin ne’ebé parte barak foti, ita rona sukat, análize, tetu buat hotu-hotu, depois haré saida mak bele halo atu tulun ita nia setór judisiariu sai forte, sai independente, kompetente, profisionál,” Ramos-Horta afirma.
Jornalista: Cristina Ximenes
Written by: RafaFM
Ramos-Horta Sei Konsulta Kle’an ho Xanana Kona-bá Situasaun Setór Judisiáriu
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt