Noticias

Ramos-Horta ho Sheikh Mohamed bin Zayed Al Nahyan Solidifika Parseria Estratéjika no Hametin Kooperasaun

todayNovember 15, 2026 47 1

Background
share close

Abu Dhabi, 15 Novembru 2026 RAFA)-Iha loron dahaat vizita Estadu Prezidente Repúblika, José Ramos-Horta iha Emiradu Árabe Unidu (EAU), Domingu-ne’e, halo enkontru ho Prezidente EAU, Sheikh Mohamed bin Zayed Al Nahyan, hodi solidifika parseria estratéjika no hametin kooperasaun Bilaterál país rua ba Futuru.

Jornalista RAFA, Cristina Ximenes husi Abu Dhabi, relata  ajenda Prezidente enkontru ho Prezidente EAU, Sheikh Mohamed bin Zayed Al Nahyan, fornese plataforma nivel aas liu atu solidifika parseria estratéjika no estabelese ajenda kooperasaun ida ne’ebé haree ba oin, hodi subliña rekoñesimentu EAU nian ba Timor-Leste nu’udar parseiru ne’ebé valiozu no kompromisu líder rua nian ba pás, dezenvolvimentu sustentável, no estabilidade rejionál.

Iha enkontru bilaterál ne’e hanesan onra boot ida mai iha Abu Dhabi no hasoru Sua Alteza Prezidente Emiradus Árabes Unidus nian.

Timor-Leste valoriza tebes ninia amizade ho Emiradus Árabes Unidus, no hein ba diskusaun sira ne’ebé sei hametin ligasaun bilateral no loke dalan foun ba kooperasaun entre nasaun no povu rua.

Abu Dhabi nia apoiu sai hanesan instrumentu ba Timor-Leste nia dezenvolvimentu nasionál iha área importante balun, no kontinua komprometidu atu hametin amizade ida-ne’e ba benefísiu mútuu husi nasaun rua no sira-nia povu.

Prezidente Ramos-Horta nia vizita traballu ba Abu Dhabi subliña parseria ne’ebé buras no dura entre Timor-Leste no Emiradus Arabes Unidus ne’ebé harii iha respeitu mútuu no kompromisu komun ba pás, prosperidade, no fraternidade umana.

Tuir tuir ajenda iha  Segunda, 16 Novembru 2026, Prezidente Repúblika, José Ramos-Horta, sei simu Juiz Mohamed Abdelsalam, Sekretáriu Jerál Prémiu Zayed ba Fraternidade Umana

Hanesan RAFA informa antes ona katak, Prezidente Repúblika, José Ramos Horta, hala’o vizita traballu mai Abu Dhabi husi loron 12 to’o loron 16 fulan-novembru tinan 2026, simu konvite husi Sua Alteza Sheikh Mohamed bin Zayed Al Nahyan, Prezidente Emiradus Arabes Unidus.

Vizita ne’e marka ho série kompromisu importante sira, ne’ebé destaka husi enkontru bilaterál ho Prezidente Emiradus Árabes Unidus nian. ***

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!