Noticias

PTR vs Juíz Na’in-Haat, Jurista Pedro Camões Rekomenda Diálogu Internál

todayOctober 15, 2026 177

Background
share close

Díli, 15 Outubru 2026 (RAFA)- Jurista José Pedro Camões husu ba majistradu sira atu tuur hamutuk no rezolve problema internu sira, ne’ebé akontese  iha Tribunál Judisiál Primeira Instánsia Díli, liu-husi  mekanizmu diálogu, atu garante servisu judisiáriu kontinua lao ho di’ak.

Jurista José Pedro Camões hato’o  sujestaun relasiona ho tentativa  husi Prezidente Tribunál Rekursu, Afonso Carmona  ne’ebé orienta nia eskoltu atu  hasai juíz António José Fonseca Monteiro de Jesus, Ana Paula Fonseca Monteiro de Jesus, José Gonçalves no Francisca Marques Cabral, sira nia sasán iha Tribunál Díli.

Jurista Timoroan ne’e hatutan,  majistradu sira servisu hamutuk ona durante tempu naruk, nune’e importante atu sira rezolve  problema interna ne’ebé mosu, ho konsiderasaun tuir sira-nia obrigasaun no dever profisionál.

Nia afirma  majistradu sira tenke sai ezemplu ba sosiedade, tanba sidadaun sira durante ne’e kumpri desizaun ne’ebé tribunál foti. Tanba ne’e, majistradu sira tenke aplika lei ho di’ak, no mantein étika, integridade no deontolojia judisiál iha sira-nia knaar.

“Ha’u hakarak dehan sai de’it sei buat ne’e  bele   tuur  hamutuk  ko’alia, tuir prosedimentu    internal ne’ebe sira iha, di’ak liu,  lalais liu, ha’u hein katak sira bele rezolve ida-ne’e, tanba sira mesak majistradu, mesak juizes sira, mesak ema  kompetente sira,” hatete Pedro Camões.

Nia afirma,  majistradu sira atu uza komunikasaun no diálogu atu rezolve problema internu, la’ós husik problema ne’e kontinua naruk, tanba majistradu sira rasik komprende di’ak liu problema ne’ebé sira enfrenta no tenke buka solusaun tuir mekanizmu institusionál ne’ebé iha.

Nia fundamenta, Konsellu Superior  Magistratura Judisiál iha mekanizmu rasik, inklui reuniaun, atu análizé no foti desizaun kona-bá reklamasaun ne’ebé entidade sira hato’o  ona iha tribunál rekursu.

Nia  husi majistradu sira atu mantein kalma, ko’alia malu ho respeitu no buka solusaun ne’ebé bele hametin konfiansa públiku ba instituisaun judisiál.

Jornalista: Marcelino Tomae

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!