play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Ir para o álbum
  • play_arrow

    Ouvir RAFA Ritmo, Voz e Coração de Timor

Noticias

Família Tenke Kuda Morál no Domin iha Uma-Laran

todaySetembro 3, 2025 54 43

Fundo
share close

Xefe Suku Comoro Eligio José da Silva Marçal. Imajen/Rafa.tl

DILI, RAFA.tl– Xefe Suku Comoro, Eligio José da Silva Marçal, husu ba família hotu tenke kuda moral no domin,iha uma laran, hodi prevene oan sira halo asaun sira ne’ebé kontribui bá degradasaun morál iha sosiedade nia-leet.

Notísia Relevante: Ema Hotu iha Responsabilidade Morál Atu Tane Aas Dignidade Umana iha Sosiedade Timor-Leste

Xefe Suku Comoro, Eligio José da Silva Marçal, bá Rafa.tl iha nia knar fatin, Sede Suku Comoro, Postu Administrativu Dom Aleixo, Munisípiu Dili, Kuarta (03/09/2025), hateten degradasaun morál ne’e hanesan problema sosiál ida ne’ebé akontese iha sosiedade,  impaktu husi komportamentu negativu ema  individuu nian ne’ebé halo iha família no komunidade nia-leet.

Timor-Leste hanesan nasaun ida ne’ebe kiik ho populasaun milaun ida-resin deit, tanba ne’e, sidadaun sira tenke hanoin no tetu nia asaun iha família no komunidade, tanba degradasaun morál ne’e akontese a dala barak inan no aman sira haluha sira-nia responsabilidade, no hetan influénsia sira ladun di’ak husi ambiente.

Xefe Suku Comoro hateten dalaruma ho ransu livre no lakon kontrolu husi inan no aman, oan sira monu ba moris livre, ne’ebé halo ema lakon morál no domin ka respeitu ba ema seluk no ikus mai hamosu problema bá sosiedade.

“Ita ko’alia kona-bá degradasaun morál, barak liu akontese iha komunidade sira, bá joven sira dalaruma ita bele dehan falta kotrola husi uma-laran, ema barak dehan sira-nia oan ne’e bá eskola,  maibé  aprende deit siénsia iha eskola la to’o, no fila-fali mai uma, inan no aman la tau matan, ne’e sei hamosu problema sosiál foun tanba agora influénsia ambiente ka fatin ransu nian muda ema nia mentalidade no fó risku bá vida ema nian,” Eligio José da Silva Marçal hateten.

Xefé Suku ne’e dehan hanesan lideransa komunitaria hola mós papel maka atu prevene problema degradasaun morál iha komunikasaun liuhosi dalan kontínua sensibiliza informasaun iha suku hodi konvida inan-aman no joven sira bele partisipa direta atu rona no pratika iha sira nia família laran.

Xefe Suku Comoro Eligio José da Silva Marçal mós nafatin apela bá inan no aman tenke sai ajente supervizaun  no reguladora di’ak bá oan sira, hodi orienta mós sira hola parte iha atividade sira ne’ebé bele fó benefisiu ba sira-nia futuru.

Suku Comoro rasik servisu hamutuk ho Igreja, Parokia Maria Auxiliadora Comoro, hodi fó formasaun liuhosi vida espirituál sira hanesan retiru hodi kontínua fanu família sira badinas atu hakbesik aan ba uma-kreda, hodi bele rekompensa hahalok sira ne’ebé la fó valor bá sira-nia aan no ema seluk.

Suku Comoro, ne’ebé pertense iha área juridisaun Munisípiu Dili iha aldeia 14  ho total populasaun 58.891.

Reportajen ekipa Rafa.tl

 

Escrito por RafaFM

Avaliação

Notícias semelhantes

Quem Somos

Fundada por Nilton e Akita nos momentos difíceis pós-referendo, a Rádio Rafa nasceu como um símbolo de esperança e reconstrução em Timor-Leste. Foi a primeira rádio a surgir após a independência, reunindo jovens, espalhando alegria e dando voz a uma nova geração, mesmo quando muitos ainda viviam em casas feitas de cinzas, após a destruição provocada pela violência que se seguiu ao referendo de 1999, no qual os timorenses decidiram pela separação da Indonésia e pela construção de um país independente e livre.

Contactos
error: Content is protected !!