Ouvir RAFA Ritmo, Voz e Coração de Timor
Prezidente Repúblika (PR), José Ramos-Horta, konvoka reuniaun Konsellu Superiór Majistratura Judisiál (KSMJ), Kinta 22 Outubru 2026.
Díli, 22 Outubru 2026 (RAFA)- Prezidente Repúblika (PR), José Ramos-Horta, Kinta-ne’e, iha Palásiu Prezidensiál, konvoka reuniaun Konsellu Superiór Majistratura Judisiál (KSMJ).
Reuniaun ne’ebé hahú husi tuku 10:00 Otl to’o tuku 12:00 Otl, partisipa husi Primeiru-MInistru (PM) Xanana Gusmão, Ministru Justisa Sérgio de Jesus Fernandes da Costa Hornai, Koordenadora Reforma Setór Justisa, Lucia Lobato, Prezidente Tribunál Rekursu Afonso Carmona, no mós membru Konsellu Superiór Majistratura Judisiál sira seluk tan.
Hafoin reuniaun ne’e, PM Xanana, Ministru Justisa Sérgio de Jesus Fernandes da Costa Hornai ho mós Prezidente Tribunál Rekursu Afonso Carmona, la fó informasuan detallu ba jornalista sira kona-bá rezultadu reuniain no ajenda sira reuniaun nian.
Jornalista sira tenta halo konfirmasaun ho Xefe Governu kona-bá reuniaun ne’e, maibé la fó biban no sai direitamente ba sa’e karreta hodi fila ba Palásiu Governu, no tempu hanesan Ministru Justisa, Sergio Hornai mós la ko’alia buat ruma ba jornalista sira.
Prezidente Tribunál Tekursu (PTR), Afonso Carmona ne´ebé liu husi odamatan mós rezeita fó komentáriu, maske jornalista sira tenta husu kona-bá rezultadu husi enkontru Konsellu Superiór Majistratura ne´ebé Xefe Estadu konvoka.
“Ha’u labele ko’alia buat ida, husu ba sira tanba sira mak konvida ha´u mai,” Prezidente Tribunál Rekursu (PTR) Afonso Carmona hateten.
Jornalista: Cristina Ximenes
Written by: RafaFM
Prezidente Repúblika Konvoka Reuniaun Konsellu Superiór Majistratura Judisiál
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt