Ouvir RAFA Ritmo, Voz e Coração de Timor
Díli, 09 Outubru 2026 (RAFA)- Prezidente Repúblika, José Ramos-Horta, husu ba Governu liu husi Ministériu Koordenadór Assuntu Ekonomiku (MCAE) no Sekretária Estadu Formasaun Profisionál no Empregu (SEFOPE) atu halo alterasaun ba tabela saláriu minimu husi US$115.00 ba US$200.00 tanba saláriu mínimu atuál la sufisiente atu responde nesesidade bázika povu nian.
Xefe Estadu hatete Governu presiza haré didi’ak fali polítika saláriu mínimu, atu ajuda traballadór sira ne’ebé simu rendimentu ki’ik liu hodi enfrenta kustu moris loroloron.
“Ha’u seidauk hatene, se sira muda bainhira, ha’u hatete dala barak ona, ita tenke haré duni saláriu mínimu ne’e aumenta. Bele hatun despeza seluk, bele hatun despeza oi-oin, despeza komustivel, despeza viajen, despeza sosa ekipamentu oi-oin buat sira ne’e bele tun,” hatete Prezidente Repúblika, José Ramos-Horta ba jornalista sira, Kinta-ne’e.
Ramos-Horta konkorda atu mós halo mudansa ba tabela saláriu Prezendete Repúblika nian, ministru sira, atu ajuda hakman Orsamentu Jerál Estadu bele halo, mas tenke aumenta sira ne’ebé manan kiik liu, pelumenus hasa’e ba US$200.00 kada fulan, mais tenke kuidadu.
Iha parte seluk, Ramos-Horta subliña katak aumentu saláriu ba funsionáriu públiku tenke konsidera ho kuidadu no bazeia ba prióridade no produtividade.
“Ba funsionáriu sira, ba hotu-hotu, ha’u hanoin tenke haré didi’ak liu, primeiru ba mestre sira ne’ebé servisu iha aldeia, zona rurál. Segundu ba enfermeiru sira, la’ós ba médiku de’it, doutor sira, sira dasa-rai iha ospitál ne’e. Klase ida ne’e mak prióridade liu, la’ós funsionáriu hotu-hotu, ita haree produtividade funsionáriu nian ne’e saida loos,” xefe Estadu tenik.
Prezidente Repúblika subliña atu Governu tau importansia ba Saláriu Minimu hodi ajusta traballadór sira nia vensimentu ne´ebé merese tuir servisu ne´ebé presta.
Jornalista: Cristina Ximenes
Written by: RafaFM
Prezidente Repúblika Husu Hasa’e Saláriu Minimu Ba US$200.00
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt